կարևոր
1990 դիտում, 1 տարի առաջ - 2021-03-15 11:00

Արայիկ Մուրադյանն ազատվել է Վայոց ձորի փոխմարզպետի պաշտոնից

Արայիկ Մուրադյանն ազատվել է Վայոց ձորի փոխմարզպետի պաշտոնից

Նիկոլ Փաշինյանի որոշմամբ՝ Արայիկ Մուրադյանն ազատվել է Վայոց ձորի փոխմարզպետի պաշտոնից:

«Ղեկավարվելով «Հանրային ծառայության մասին» Հայաստանի Հանրապետության օրենքի 9-րդ հոդվածի 9-րդ մասով՝

Արայիկ Մուրադյանին ազատել Հայաստանի Հանրապետության Վայոց ձորի մարզպետի տեղակալի պաշտոնից»,- ասված է որոշման մեջ:

Հիշեցնենք, որ օրեր առաջ Վայոց ձորի մարզպետի տեղակալ, պահեստազորի գնդապետ Արայիկ Մուրադյանը  (Մախնո) հայտարարել էր, որ անընդունելի է համարում երկրում ստեղծված իրավիճակը և հրաժարվում է փոխմարզպետի պաշտոնից․ «Անընդունելի եմ համարում երկրում ստեղծված իրավիճակը, հրաժարվում եմ Վայոց ձորի մարզպետի տեղակալի պաշտոնից և որպես արժանապատիվ սպա՝ միանում եմ ԶՈւ ԳՇ հայտարարությանը»,– մասնավորապես նշել էր նա։

Հիշեցնենք, որ ավելի վաղ հրաժարականի դիմումներ էին ներկայացրել նաև Գեղարքունիքի փոխմարզպետ, ՀՀ նախկին զինվորական կոմիսար, գեներալ-մայոր Հենրիկ Մուրադյանը և Արմավիրի մարզպետի տեղակալ, պահեստազորի գեներալ-մայոր Ալեքսան Ալեքսանյանը․ նրանք ևս միացել էին ԶՈՒ ԳՇ-ի հայտարարությանը։