կարևոր
1601 դիտում, 1 տարի առաջ - 2021-03-13 14:05

ԱԳՆ-ի մոտ բողոքի ակցիան ավարտվեց. Փաշինյանն այդպես էլ գլխավոր մուտքով շենք չմտավ (ԼՈւՍԱՆԿԱՐՆԵՐ)

ԱԳՆ-ի մոտ բողոքի ակցիան ավարտվեց. Փաշինյանն այդպես էլ գլխավոր մուտքով շենք չմտավ (ԼՈւՍԱՆԿԱՐՆԵՐ)

«Հայրենիքի փրկության շարժման» անդամների ակցիան ԱԳՆ շենքի մոտ ավարտվեց: Նիկոլ Փաշինյանն այդպես էլ գլխավոր մուտքով չմոտեցավ շենքին` կրկին անգամ ապացուցելով, որ անարգել և առանց մեծաթիվ ոստիականական ուժերի նա ի վիճակի չէ տեղաշարժվել իր երկրում:

Ակցիայի մասնակիցները հայտարարեցին, որ հնարավոր է, որ այլ մեքենայով Փաշինյանը մտել է շենք եւ դուրս է եկել:

Հայրենիքի փրկության շարժման ներկայացուցիչը հայտնեց, որ Փաշինյանն ԱԳՆ-ում հանդիպման պլանավորված ժամից մեկ ժամ շուտ է գնացել նախարարություն: Շարժման ներկայացուցիչները դա պայմանավորեցին նրա վախով:

Ակցիայի մասնակիցները հավաքվելու են նաև նախագահականի մոտ, որտեղ, նախնական տվյալներով ժամը 15:00-ին, նախատեսված է նախագահի հանդիպումը Նիկոլ Փաշինյանի հետ:

ԱԳՆ շենքի մոտ նաեւ մեծ թվով ոստիկանական ուժեր էին կենտրոնացրել:

Հիշեցնենք, որ փետրվարի 23-ին Կառավարության առաջին մասնաշենքից երրոդ մասնաշենք՝ մոտ 200 մետր, տեղաշարժվելու համար մեծաթիվ ոստիկանական ուժեր փակել էին տարածքը: Փաշինյանը հազարավոր ոստիկանների օգնությամբ, որոնք փակել էին Կառավարության մասնաշենքերի բոլոր կողմերը, անցավ այգով, քաղաքացիների՝ «դավաճան» կոչերի ներքո։ Փաշինյանին ուղեկցում են անվտանգության աշխատակիցները՝ նույն պաշտպանիչ անձրևանոցներով և պորթֆեյլներով։