կարևոր
1221 դիտում, 1 տարի առաջ - 2021-03-13 12:13

Ոստիկանությունը մեծաթիվ ուժերով բոլոր կողմերից փակել է Կառավարության 2-րդ մասնաշենք տանող ճանապարհները. սպասում են Փաշինյանին (ԼՈՒՍԱՆԿԱՐՆԵՐ)

Ոստիկանությունը մեծաթիվ ուժերով բոլոր կողմերից փակել է Կառավարության 2-րդ մասնաշենք տանող ճանապարհները. սպասում են Փաշինյանին (ԼՈՒՍԱՆԿԱՐՆԵՐ)

Այս պահին փակ են Վազգեն Սարգսյան փողոցում գտնվող Կառավարության երկրորդ մասնաշենք տանող բոլոր ճանապարհները: Ոստիկանության մեծաթիվ ուժերը տեղակայվել են այստեղ, որպեսզի ապահովեն Նիկոլ Փաշինյանի այցը ՀՀ արտաքին գործերի նախարարություն: Ժամը 12:30 նախատեսվում է նրա ժամանումը: 

Քաղաքացիները չեն կարող մոտենալ կամ անցնել այս ճանապարհներով:

Հավելենք, որ Հայրենիքի փրկության շարժումը կոչ է արել այսօր ժամը 12:00-ից հավաքվել Արտաքին գործերի նախարարության դիմաց.

«Հարգելի' հայրենակիցներ,

Նիկոլ Փաշինյանը որոշել է մարտի 13-ին՝ ժամը 12։30-ին, այցելել Կառավարության 2-րդ մասնաշենք՝ ՀՀ արտաքին գործերի նախարարություն։ Դիվանագետի օրը՝ մարտի 2-ին, խախտելով ավանդույթը, նա չգնաց հայկական դիվանագիտության կենտրոնակայան, սակայն որոշել է այնտեղ լինել մարտի 13-ին։

Մենք էլ նրան դիմավորենք ՀՀ արտաքին գործերի նախարարության դիմաց, որ կրկին բարձրաձայնենք մեր պահանջը՝ առանց Նիկոլ ՀԱՅԱՍՏԱՆ»,- նշված է հայտարարության մեջ։