կարևոր
1095 դիտում, 1 տարի առաջ - 2021-03-13 10:41

Այս անհանգստացնող զարգացումները միայն կխորացնեն Հայաստանի քաղաքական ճգնաժամը. Freedom House

Այս անհանգստացնող զարգացումները միայն կխորացնեն Հայաստանի քաղաքական ճգնաժամը. Freedom House

Freedom House միջազգային իրավապաշտպան կազմակերպությունը հայտարարություն է տարածել Հայաստանի մարդու իրավունքների պաշտպանի աշխատակազմի ֆինանսական անկախության երաշխիքի վերացման Կառավարության նախագծի վերաբերյալ։

«Ի պատասխան ՀՀ կառավարության օրենսդրական առաջարկի ՝ Մարդու իրավունքների պաշտպանի աշխատակազմին զրկել ֆինանսական երաշխիքներից և Հայաստանում քաղաքացիական հասարակության կազմակերպությունների հետապնդումների կտրուկ աճին՝ Freedom House- ը տարածել է հետևյալ հայտարարությունը.

Հայաստանի իշխանությունները պետք է ապահովեն երկրում ժողովրդավարական և մարդու իրավունքների ինստիտուտների, այդ թվում ՝ քաղաքացիական հասարակության անխոչընդոտ գործունեությունը, - ասալ է Freedom House- ի Եվրոպայի և Եվրասիայի հարցերով տնօրեն Մարկ Բեհրենդտը: «Ժողովրդավարական բարեփոխումների հակառակորդների կողմից մեկնարկած քաղաքացիական հասարակությունն ամբողջությամբ աղտոտելու արշավից բացի, կառավարությունը փորձում է կրճատել ՄԻՊ- ի ֆինանսավորման անկախությունը: Այս անհանգստացնող զարգացումները միայն կխորացնեն Հայաստանի քաղաքական ճգնաժամը»:

«Այս նոր օրինագիծը, եթե ընդունվի, կսահմանափակի Մարդու իրավունքների պաշտպանի անկախությունը և կխոչընդոտի Հայաստանում մարդու իրավունքները պաշտպանելու նրա մանդատին»,- ասված է հայտարարության մեջ։

Կազմակերպությունը նշում է նաև, որ համաշխարհային քաղաքական իրավունքների և քաղաքացիական ազատությունների վերաբերյալ տարեկան` Ազատությունն աշխարհում 2021 թվականի  վարկանիշում Հայաստանն իր ազատության վարկանիշով հայտնվել է մասամբ ազատ երկրների ցանկում՝ գրանցելով անկում նախորդ տարվա համեմատ: 

Հիշեցնենք, որ այս շաբաթ Կառավարության նիստին հաստատվեց օրենսդրական փաթեթը, որով առաջարկվել էր «Մարդու իրավունքների պաշտպանի մասին» սահմանադրական օրենքի 8-րդ հոդվածի 5-րդ մասն ուժը կորցրած ճանաչել․

«Յուրաքանչյուր տարի Պաշտպանի և նրա աշխատակազմի, ինչպես նաև Պաշտպանի՝ որպես կանխարգելման ազգային մեխանիզմի ֆինանսավորման համար պետական բյուջեով նախատեսված հատկացման չափը չի կարող պակաս լինել նախորդ տարվա պետական բյուջեով նախատեսված հատկացման չափից: Պետական բյուջեով նախատեսված ֆինանսավորումը կատարվում է ամսական հավասար համամասնությամբ` յուրաքանչյուր ամսվա համար կանխավճարի կարգով»։

Ֆինանսների նախարարության առաջարկով՝ ՄԻՊ-ին ֆինանսավորելիս պարտավոր չեն նախորդ տարվա ֆինասավորման չափ կամ ավելի հատկացնել։ Այսինքն՝ կկարողանան նաև պակաս ֆինանսավորել։