ուղիղ եթեր փակել
Այս պահին Երևանում
+14°
ощущаетվя как +13°C
բաց երկինք
1 մ/վ քամու ուժգնություն
արևածագ: 05:45
16.05.2022
USD 454.99 -0.95
GBP 558.18 +1.89
EUR 474.78 +1.10
GEL 153.32 +1.84
RUB 7.21 +0.14

Վերջին ավելացված հաղորդումներ

Ամենադիտվածներ

կարևոր
1179 դիտում, 1 տարի առաջ - 2021-03-12 21:13

Արա Այվազյանն ավստրիացի իր գործընկերոջը ներկայացրել է թուրք-ադրբեջանական ագրեսիայի հետևանքով Արցախում ստեղծված հումանիտար իրադրությունը

Արա Այվազյանն ավստրիացի իր գործընկերոջը ներկայացրել է թուրք-ադրբեջանական ագրեսիայի հետևանքով Արցախում ստեղծված հումանիտար իրադրությունը

Մարտի 12-ին ԱԳ նախարար Արա Այվազյանը հեռախոսազրույց է ունեցել Ավստրիայի ԱԳ նախարար Ալեքսանդր Շալենբերգի հետ:

Երկուստեք բարձր է գնահատվել երկկողմ հարաբերություններում առկա դրական դինամիկան: Վերահաստատվել է փոխադարձ պատրաստակամությունը` գործնական ջանքեր գործադրել քաղաքական երկխոսությունն առավել ակտիվացնելու և համագործակցության օրակարգն ընդլայնելու ու հարստացնելու ուղղությամբ:

Հեռախոսազրույցի ընթացքում Հայաստանի և Ավստրիայի ԱԳ նախարարները մտքեր են փոխանակել նաև ՀՀ-ԵՄ գործընկերությանն առնչվող հարցերի և ԱլԳ առաջիկա միջոցառումների ժամանակացույցի շուրջ: Նախարար Այվազյանն ընդգծել է, որ ՀՀ-ԵՄ համապարփակ և ընդլայնված գործընկերության համաձայնագրի արդյունավետ իրականացումը նոր հնարավորություններ կստեղծի ինչպես ԵՄ, այնպես էլ ԵՄ անդամ երկրների հետ համագործակցության խորացման և նոր ուղղությունների ուրվագծման համար։

Տարածաշրջանային անվտանգության ու կայունության հարցերի համատեքստում նախարար Այվազյանն ավստրիացի իր գործընկերոջը ներկայացրել է թուրք-ադրբեջանական ագրեսիայի հետևանքով Արցախում ստեղծված հումանիտար իրադրությունը, Ադրբեջանի կողմից նոյեմբերի 9-ի հայտարարությամբ ստանձնած պարտավորությունների չկատարումը, մասնավորապես՝ ռազմագերիների և այլ պահվող անձանց հայրենադարձման մասով: Արցախում հումանիտար իրավիճակի բարելավման առումով ընդգծվեց միջազգային գործընկերների ներգրավվածության անհրաժեշտությունը։

Նախարարներ Այվազյանը և Շալենբերգը կարևորել են Լեռնային Ղարաբաղի հակամարտության գոտում պատմամշակութային ժառանգության և պաշտամունքի վայրերի պահպանման ուղղությամբ քայլերի ձեռնարկումը:

Անդրադառնալով ԵԱՀԿ տարածաշրջանում անվտանգության մարտահրավերներին, այդ թվում՝ հակամարտությունների համատեքստում՝ երկուստեք մտահոգություն են հայտնել զինյալ ահաբեկիչների և վարձկանների նեգրավման և տեղափոխման վերաբերյալ։ Այս առնչությամբ կարևորվել է տարածաշրջանային և միջազգային կազմակերպություններում համագործակցությունը։

Հայաստանի և Ավստրիայի արտաքին քաղաքական գերատեսչութունների ղեկավարները կարևորել են ԼՂ խաղաղ կարգավորման հարցերի հասցեագրումը ԵԱՀԿ Մինսկի խմբի համանախագահության շրջանակներում:

բաժանորդագրվել
Նմանատիպ նյութեր

Լրահոս

բոլոր լուրերը

կայքի հին տարբերակը
Հրապարակումների արխիվ - կայքի նախկին տարբերակը

Հավելվածներ

Հետադարձ կապ

© 2022 YERKIRMEDIA.am Բոլոր իրավունքները պաշտպանված են։

Հեղինակային բոլոր իրավունքները պաշտպանված են: Կայքի նյութերը և լուսանկարները, մասնակի կամ ամբողջական օգտագործելիս, պարտադիր է YerkirMedia.am-ի գրավոր համաձայնությունը և YerkirMedia.am-ին հղումը (hyperlink): Կայքի նյութերի մասնակի կամ ամբողջական հեռուստառադիոընթերցումը, առանց YerkirMedia.am-ի գրավոր համաձայնության, արգելվում է: Կայքում հրապարակված նյութերը պարտադիր չէ, որ արտահայտեն YerkirMedia.am-ի խմբագրության տեսակետը: Գովազդների բովանդակության համար կայքը պատասխանատվություն չի կրում:
կայքի ստեղծումը և սպասարկումը՝
MAXARTS