կարևոր
942 դիտում, 8 ամիս առաջ - 2021-03-10 19:34

Ռուսաստանի եւ Թուրքիայի նախագահները տեսակամուրջի միջոցով մասնակցել են «Աքքույու» ատոմակայանի երրորդ էներգաբլոկի հիմնարկեքին

Ռուսաստանի եւ Թուրքիայի նախագահները տեսակամուրջի միջոցով մասնակցել են «Աքքույու» ատոմակայանի երրորդ էներգաբլոկի հիմնարկեքին

Ռուսաստանի եւ Թուրքիայի նախագահները տեսակամուրջի միջոցով մասնակցել են Թուրքիայի Մերսին նահանգում կառուցվող «Աքքույու» ատոմակայանի երրորդ էներգաբլոկի հիմնարկեքին:

Էրդողանի խոսքով, այս ատոմակայանը ռուս-թուրքական համագործակցության խորհրդանիշերից է, եւ Պուտինի հետ հաստատած սերտ երկխոսությունը, Թուրքիայի նախագահի պնդմամբ, կարեւոր դեր է խաղում ոչ միայն երկկողմ հարաբերություններում, այլեւ տարածաշրջանում խաղաղության ամրապնդման գործում: Եւ այդ ռուս-թուրքական երկխոսության արդյունքները, Էրդողանի համոզմամբ, երեւացին շատ տեղերում: Թուրքիայի նախագահը թվարկել է՝ Լիբիայից Լեռնային Ղարաբաղ, Սիրիա:

Նշենք, որ «Աքքույուն» Թուրքիայում կառուցվող առաջին ատոմակայանն է: Շինարարությունն իրականացնում է ռուսական «Ռոսատոմ» ընկերությունը՝ 2010 թվականին ստորագրված ռուս-թուրքական միջկառավարական համաձայնագրի շրջանակում: Ընդհանուր առմամբ, ատոմակայանն ունենալու է չորս էներգաբլոկ: Նախագծի արժեքը 22 միլիարդ դոլար է: