կարևոր
1735 դիտում, 1 տարի առաջ - 2021-03-08 14:27

Արքայական ընտանիքում իմ կյանքն այնքան դժվար էր, որ անգամ ինքնասպանության մտքեր եմ ունեցել․ Մեգան Մարքլ

Արքայական ընտանիքում իմ կյանքն այնքան դժվար էր, որ անգամ ինքնասպանության մտքեր եմ ունեցել․ Մեգան Մարքլ

Բրիտանական մամուլը ողողված է արքայազն Հարիի եւ նրա կնոջ՝ Մեգան Մարքլի սկանդալային բացահայտումներով:

Բրիտանական արքայական ընտանիքից առանձնանալուց հետո Սասեքսի դուքսն ու դքսուհին առաջին լայնածավալ հարցազրույցն են տվել: Մեգան Մարքլը մեղադրել է բրիտանական արքայական ընտանիքին ռասիզմի մեջ:

Սասեսքսի դքսուհին պատմել է, որ հղիության ժամանակ ընտանիքի անդամներից մեկը, որի անունը չի բարձրաձայնել, մտահոգություն է հայտնել, որ երեխայի մաշկի գույնը կարող է շատ մուգ լինել, անգամ խոսակցություններ են եղել նրան արքայազնի տիտղոս չշնորհելու մասին: Ամերիկացի հաղորդավարուհի Օփրա Ուինֆրիին տված հարցազրույցում Մեգանը նշել է նաեւ, որ արքայական ընտանիքում իր կյանքն այնքան դժվար էր, որ անգամ ինքնասպանության մտքեր է ունեցել:

Արքայազն Հարին էլ պատմել է՝ ամենաշատը վախենում էր, որ Մեգանի դեպքում կկրկնվեր իր մոր՝ արքայադուստր Դիանայի պատմությունը: Հարին նշել  է, որ ընտանիքից առանաձնանալուց հետո տատիկի՝ թագուհի Եղիսաբեթ Երկրորդի հետ լավ հարաբերություններ է պահպանում, հաճախ են զրուցում, սակայն տուժել են հարաբերությունները հոր՝ Ուելսի արքայազն Չարլզի հետ: Արքայական ընտանիքը նաեւ դադարեցրել է Սասեսքսի դքսին տրվող ֆինանսական աջակցությունը:

Զույգը պատմել է նաեւ, որ իրականում բոլորից գաղտնի ամուսնացել են իրենց՝ աշխարհի համար ցուցադրական ներկայացում դարձած հարսանիքից 3 օր առաջ: Կալիֆորինայում բնակություն հաստատած զույգը բացահայտել է եւ երկրորդ երեխայի սեռը: Ամռանը կծնվի արքայազն Հարիի եւ Մեգան Մարքլի դուստրը: