կարևոր
1088 դիտում, 1 տարի առաջ - 2021-03-05 14:58

ԱՀԿ-ի ներկայացուցիչը ենթադրել է, որ համավարակը կավարտվի 2022 թվականի սկզբին

ԱՀԿ-ի ներկայացուցիչը ենթադրել է, որ համավարակը կավարտվի 2022 թվականի սկզբին

Աշխարհը կորոնավիրուսային համավարակը կհաղթահարի 2022 թվականի սկզբին, բայց դա չի նշանակում, թե կորոնավիրուսն ինքը կանհետանա: Այս ենթադրությամբ հանդես է եկել Առողջապահության համաշխարհային կազմակերպության  Եվրոպայի տարածաշրջանային բյուրոյի տնօրեն Հանս Կլյուգեն մարտի 5-ին Die Welt թերթում հրապարակված հարացազրույցում:

«Կարծում եմ, որ 2021 թվականը կլինի քովիդի եւս մեկ տարի: Բայց այժմ մենք կարող ենք ավելի լավ կանխատեսել իրադարձությունները եւ կառավարել դրանք: 2020 թվականին սոսկ անորոշություն էր ինչպես առողջապահության ոլորտում, այնպես էլ քաղաքականության ոլորտում»,-ասել է նա:

«Մեկ տարի անց մենք շատ ավելի բան գիտենք, մենք ունենք գործիքներ, ախտորոշման ծրագրեր, պատվաստում: Իմ աշխատանքում կարեւոր է պլանավորել վաղօրոք: Ուստի ես կարծում եմ, որ 2022 թվականի սկզբին համավարկը կմնա անցյալում, բայց դա չի նշանակում, թե վարակն ինքը կհեռանա»:

ԱՀԿ-ի ներկայացուցիչը հորդորել է համբերատար լինել պատվաստման հարցում. «Սկզբում միշտ պահանջարկը գերազանցում է առաջարկին: Չի կարելի միանգամից պատվաստել ամբողջ մոլորակի բնակիչներին»: Կլյուգեի խոսքով՝ «ըստ երեւույթին, անխուսափելի է» այն փաստը, որ ամռանը Եվրոպայում քաղաքացիների մոտ կհայտնվեն պատվաստման տեղեկաթերթիկներ, թեեւ դա ԱՀԿ-ի հանձնարականը չէ: