կարևոր
407 դիտում, 1 ամիս առաջ --> 2021-03-03 21:39

ԱՀԿ-ն չի երաշխավորում կորոնավիրուսի դեմ պատվաստման անձնագրի կիրառումը

ԱՀԿ-ն չի երաշխավորում կորոնավիրուսի դեմ պատվաստման անձնագրի կիրառումը

Առողջապահության համաշխարհային կազմակերպությունը դեռևս չի երաշխավորում կորոնավիրուսի դեմ պատվաստման վերաբերյալ անձնագրերի կիրառության մեջ ներդնելը: Այս մասին հայտարարել է Ռուսաստանում ԱՀԿ ներկայացուցիչ Մելիտա Վույնովիչը:

«ԱՀԿ-ն արդեն ասել է, որ տվյալ պահին չի երաշխավորում նման անձնագրերը, սակայն, իհարկե, ամեն երկիր առաջ է գնում իր ճանապարհով, բոլորը փորձում են ապահովել բնակչության մեծ շարժունակություն, և ԱՀԿ-ն կհամագործակցի բոլոր հետաքրքրված երկրների հետ»,- ասել է նա՝ ընդգծելով, որ հետագայում կազմակերպությունը տվյալ երկրներին կարող է խորհուրդներ տալ, թե ինչ է անհրաժեշտ ներառել այդ անձնագրերում:

Ավելի վաղ Եվրահանձնաժողովի ղեկավար Ուրսուլա ֆոն դեր Լայենը թվիթերյան միկրոբլոգում գրել էր, որ Եվրահանձնաժողովը ծրագրում է մարտին ներկայացնել օրենքի նախագիծ պատվաստման էլեկտրոնային անձնագրի վերաբերյալ, որտեղ նշվելու են պատվաստումները, կորոնավիրուսի դեմ թեստի պատասխանները կամ տվյալ այն մասին, թե արդյոք տվյալ անձն արդեն վարակվել է, թե ոչ: