Շաքարավազը թանկացել է 40․7 %-ով, բուսական յուղը՝ 44․3 %-ով․ Վահե Էնֆիաջյանը թվեր ներկայացրեց (ՏԵՍԱՆՅՈւԹ)

Տևական ժամանակ է, ինչ մենք խոսում ու ներկայացնում ենք մեր երկրի առջև ծանրացած խնդիրները։ Այս մասին Բաղրամյան պողոտայում հանրահավաքի ժամանակ ասաց ԱԺ փոխնախագահ, «Բարգավաճ Հայաստան» խմբակցության պատգամավոր Վահե Էնֆիաջյանը:

«Մենք մեր գործընկերներին հարց ենք տալիս, իջեք Բաղրամյան հրապարակ և առերեսվեք իրականության հետ։ Հերիք է կեղծ օրակարգ մատուցեք և իրականությունը խեղաթյուրեք, հերիք է կեղծ ծրագրերից խոսեք։ Դուք Ձեզ հռչակել եք, որպես ժողովրդի իշխանություն, պարբերաբար խոսում եք, որ ժողովրդի կամայտահայտությունը գերակա է, իջեք և պատասխանեք ժողովրդի հարցրեին։ Ե՞րբ է լուծվելու գերիների հարցը, ե՞րբ է լուծվելու զոհվածների և անհետ կորածների ընտանիքներին սոցիալապես ապահելու հարցը, ե՞րբ է լուծվելու փախստականների հարցը։ Կորսված հայրենիքի համար պատասխան տվեք։

Պատգամավորը նշեց, որ 456 միլիարդ նորից ավելացել է մեր քաղաքացիների ուսերի վրա վարկային պարտավորությունները: 

«Շաքարավազը թանկացել է 40․7 %-ով, բուսական յուղը՝ 44․3 %-ով, ձուն՝ 26 %-ով , կաթնամթերքը՝ 17 %-ով, միրգը՝ 12 %-ով, բանջարեղենը՝ 9 %-ով, հացը, ալյուրը, խմիչքը, ծխախոտը, ոչ պարենային ապրանքը, դեղորայքը թանկացել են։ Մարզերում ճանապարհների հետ խնդիրներն առայսօր առկա են, փոխադրումները ևս թանկացել են։ Այսօր անկում են ապրում շինարարությունը՝ 11․2 %, ծառայությունները՝ 13․6 %-ով, ներմուծումը՝ 16 %-ով, արտահանումը՝ 5․2 %-ով։ 456 միլիարդ նորից ավելացել է մեր քաղաքացիների ուսերի վրա վարկային պարտավորությունները»,- ասաց Էֆիաջյանը։