կարևոր
283 դիտում, 1 ամիս առաջ --> 2021-03-03 17:56

Նախագահը պետք է դիմի ՍԴ, հակառակ դեպքում կսահմանափակվի բոլորի գործունեությունը․ Արծվիկ Մինասյան

ՀՀ նախագահը պետք է հետևողական լինի, հետ քայլ չանի եւ ԳՇ պետին ազատելու վերաբերյալ հարցով դիմի ՍԴ, հակառակ դեպքում թե՛ բանակը, թե՛ ժողովուրդը թույլ չի տալու ոչ միայն կառավարության, ոչ միայն նախագահի, այլև բոլորի գործունեությունը, այս մասին հայտարարեց ՀՅԴ Հայաստանի ԳՄ անդամ Արծվիկ Մինասյանը Հայրենքի փրկության շարժման հանրահավաքի հարթակից:

«Կսահմանափակի նրանց գործունեությունը, որովհետեւ նրանց գործունեությունը հակապետական և հակաազգային կլինի: Սա սկզբունքային հարց է, ժողովուրդը ոտքի է կանգնել իր զինված ուժերի հետ միասին եւ պետականությունն է պաշտպանում: Սա միայն Օնիկ Գասպարյանի հարցը չէ, սա մեր ողջ բանակի, բարձրագույն հրամանատարական կազմից մինչև վերջին զինվորի տված երդումը պահելու հարց է»,-ասաց Արծվիկ Մինասյանը:

Զուտ իրավական առումով նա նշեց, որ ՀՀ նախագահը չի կարող անգործություն դրսևորել առանց հիմնավորման:

«Օրենքը սահմանում է՝ կա՛մ ստորագրում ես, կա՛մ դիմում ես ՍԴ, երրորդ տարբերակ չկա: Երրորդ տարբերակն անգործությունն է»,-ասաց Արծվիկ Մինասյանը:

Մանրամասները՝ տեսանյութում․