կարևոր
1470 դիտում, 1 տարի առաջ - 2021-03-02 10:00

Ոչ հեռու անցյալում, կար ժամանակ, երբ Հայաստանը՝ մարտի 2-ին դիվանագետի մասնագիտական տոն էր նշում․ Արտակ Զաքարյան

Ոչ հեռու անցյալում, կար ժամանակ, երբ Հայաստանը՝ մարտի 2-ին դիվանագետի մասնագիտական տոն էր նշում։ ԱԳՆ ունեինք, դիվանագիտական կորպուս ունեինք, աշխարհում պատիվ-հարգանք վայելող դեսպաններ ունեինք։ Հայաստանի անունը որպես վստահելի գործընկեր էր հնչում ամեն հարթակից։ Այս մասին ֆեյսբուքյան իր էջում գրել է պաշտպանության նախկին փոխնարար Արտակ Զաքարյանը։

«Այսօր չգիտե՛ս, ու՞մ և ինչի՞ համար շնորհավորես։

Տիկնայք և պարոնայք դեսպաններ,

թույլ տվեք այս անգամ չը՛շնորհավերել ձեզ, ձե՛ր իսկ կողմից արհամարված մասնագիտության օրվա առթիվ։

Պատճառն ինձանից լավ գիտեք. ի՞նչ պաշտոնական դիվանագիտություն, երբ աշխարհի մի մասը խորը արհամարել է մեզ, մի մասն անխնա օգտագործում է, մյուս մասը թքած ունի Հայաստանի խնդիրների վրա, մի մասը զզվանքով կարեկցում է, իսկ երկուսն էլ ակտիվ ծաղրում են։

Դա՞ է ձեր դիվանագիտությունը։

Իսկ դու՛ք, ձերդ գերազանցություններ, այս վիրավոր երկրից կամ փող եք ստանում՝ ոչինչ չանելու, կամ էլ նրա դավաճանության սիմվոլին գովաբանելու համար։ Այնինչ, Արցախի հարցի դիվանագիտական պրավալը և պատերազմը նաև ձե՛ր ուսերին է։ Չասե՛ք, թե դավաճանն էր մեղավոր։ Այդ դեպքում նրան ծառայո՞ղն ով է։

Դիմացի՜ր Հայաստան, ծանր են վերքերդ, բայց դիմացիր»,-գրել է նա։