կարևոր
475 դիտում, 1 ամիս առաջ --> 2021-02-27 19:32

Փաշինյանը հայտարարեց, որ ԳՇ պետին պաշտոնանկ անելու միջնորդությունը կրկին ուղարկում է Հանրապետության նախագահին

Փաշինյանը հայտարարեց, որ ԳՇ պետին պաշտոնանկ անելու միջնորդությունը կրկին ուղարկում է Հանրապետության նախագահին

Նիկոլ Փաշինյանը հայտարարել է, որ Օնիկ Գասպարյանին պաշտոնանկ անելու միջնորդությունը կրկին ուղարկում է Հանրապետության նախագահին՝ ակնկալելով, որ այն սահմանված կարգով կստորագրվի: 

Ըստ Փաշինյանի՝ իր առաջարկը չստորագրելու՝ նախագահի որոշումը ամենեւին չի նպաստում ստեղծված իրավիճակի հանգուցալուծմանը:

Այս դեպքում Արմեն Սարգսյանը կամ պետք է ստորագրի վարչապետի միջնորդությունը, կամ եռօրյա ժամկետում դիմի Սահմանադրական դատարան: Սահմանադրական դատարանը քննում է նախագահի դիմումը մուտքագրվելուց հետո՝ տասնօրյա ժամկետում:

Սահմանադրական դատարանը կարող է ընդունել հետևյալ որոշումներից որևէ մեկը՝

1) վարչապետի կողմից նախագահին ներկայացված միջնորդությունը Սահմանադրությանը համապատասխանող ճանաչելու մասին.

2) վարչապետի կողմից նախագահին ներկայացված միջնորդությունը Սահմանադրությանը հակասող ճանաչելու մասին:

Հավելենք, որ ՀՀ նախագահ Արմեն Սարգսայնը, իր սահմանադրական լիազորությունների շրջանակում, առարկություններով վերադարձրել էր հրամանագրի նախագիծը՝ նշելով, որ հրամանագրի նախագիծն առերևույթ հակասում է Սահմանադրությանը: