կարևոր
1906 դիտում, 2 տարի առաջ - 2021-02-25 17:38

Պատրաստ ենք Փաշինյանի արագ հեռացման պահանջով հանդիպել՝ մենք այդ միջանցքը թողնում ենք․ Իշխան Սաղաթելյան

Պատրաստ ենք Փաշինյանի արագ հեռացման պահանջով հանդիպել՝ մենք այդ միջանցքը թողնում ենք․ Իշխան Սաղաթելյան

Մենք պատրաստ ենք Նիկոլ Փաշինյանի՝ արագ, անցնցում հեռացման պահանջով՝ մեկ կետով և մեկ օրակարգով հանդիպել, քննարկել արագ հեռացման հարցը, մենք այդ միջանցքը և հնարավորությունը թողնում ենք։ Այս մասին հայտարարեց ՀՅԴ Հայաստանի ԳՄ ներկայացուցիչ Իշխան Սաղաթելյանը Ազատության հրապարակում՝ Հայրենիքի փրկության շարժման հանրահավաքի ժամանակ։

Նա ընդգծեց, որ մեր մայրաքաղաքում քաղաքացիական բախում չպետք է տեղի ունենա։

«Հանրապետության հրապարակում ևս զուգահեռ ցույց է տեղի ունենում։ Մենք, ի տարբերություն այս խելագարի, մեր ժողովրդին սև ու սպիտակի չենք բաժանելու՝ այնտեղ ևս մեր հայրենակիցներն են, որոնց մի մասը մոլորության մեջ է, և կոչ ենք անում բոլորին բաց թողել այդ խելագարին և գալ՝ միանալ ժողովրդին»,-ասաց Իշխան Սաղաթելյանը։

Նա բոլորի անունից կոչ ուղղեց վարչապետի աթոռին կառչած անձին․ «Դու ունես մի ճանապարհ՝ արագ, անցնցում, հենց հիմա կարդաս քո հրաժարականը և նետվես պատմության աղբանոցը»։