կարևոր
1180 դիտում, 1 տարի առաջ - 2021-02-25 16:52

Նիկոլի հրահանգով դատախազությունը սանկցիա է պատրաստում՝ ձերբակալելու գեներալներին․ Իշխան Սաղաթելյան

Նիկոլի հրահանգով դատախազությունը սանկցիա է պատրաստում՝ ձերբակալելու գեներալներին․ Իշխան Սաղաթելյան

Այս պահին մեր երկիրը գտնվում է խիստ ճակատագրական և վճռորոշ փուլում։ Այս մասին ասել է ՀՅԴ Հայաստանի ԳՄ ներկայացուցիչ Իշխան Սաղաթելյանը Ազատության հրապարակում՝ Հայրենիքի փրկության շարժման հանրահավաքի ժամանակ։

Նա առաջարկել է միասին մի քանի կարևոր բան պայմանավորվել, որպեսզի պայքարն ընթանա ճիշտ, հետևողական, և կարճ ժամանակում հասնի արդյունքի։

«Մենք չենք գնում սադրանքների, աշխատում ենք կազմակերպված, հրահանգավորված և ինքնագործունեությամբ չենք զբաղվում։ Կոչ ենք անում ՀՀ ոստիկանությանը և Ազգային անվտանգության ծառայությանը՝ երկրի վարչապետի աթոռին կառչած անձը այս րոպեներին, այս պահին, մեր երկիրը փորձում է տանել քաղաքացիական պատերազմի և Երևանում ևս թափել արյուն։ Կանգնե՛ք ժողովրդի կողքին, մի ենթարկվեք այդ խելագարի հրահանգներին, հակառակ դեպքում դուք այդ խելագարի հետ մեր երկիրը կտանեք նոր ցնցումների»,-ասել է Իշխան Սաղաթելյանը։

Նա նշել է, որ տեղեկություն ունեն, որ Նիկոլի հրահանգով Դատախազությունը սանկցիա է պատրաստում, որպեսզի շտուրմի և զինված խմբերի միջոցով մտնեն Պաշտպանության նախարարություն, ձերբակալեն հայկական բանակի գեներալներին։

«Մենք այսօր հավաքվել ենք այստեղ՝ կանգնելու հայոց բանակի կողքին և դա թույլ չտալու»․-ասել է Իշխան Սաղաթելյանը։

Նա կոչ է արել հանրահավաքի մասնակիցներին բռունցքները վերև բարձրացնել՝ ցույց տալու, որ հայոց բանակի կողքին են։