298 դիտում, 2021.02.23 22:49

Ավտոմեքենան մխրճվել է «Պռոսպեկտի շուկա»-ի մոտ գտնվող ծաղկի սրահի մեջ. կան վիրավորներ

Ավտոմեքենան մխրճվել է «Պռոսպեկտի շուկա»-ի մոտ գտնվող ծաղկի սրահի մեջ. կան վիրավորներ

Այսօր՝ փետրվարի 23-ին ժամը 21:00-ի սահմաններում Երևանում ավտովթար է տեղի ունեցել: Վանաձոր քաղաքի բնակիչ, 42-ամյա Արա Քարհանյանն իր վարած  Hyundai Sonata մակնիշի ավտոմեքենայով Մաշտոցի պողոտայում՝ Փակ  շուկայի դիմաց, դեռևս անհայտ հանգամանքներում, դուրս է  եկել ճանապարհի երթևեկելի գոտուց և մխրճվել շուկայի հարևանությամբ գործող ծաղկի սրահի մեջ:

Shamshyan.com-ի հաղորդմամբ՝ Երևանի 1-03 շտապօգնության բժիշկները տեղում նախ բուժօգնություն են ցուցաբերել  5 քաղաքացու, որից 3-ը հրաժարվել են հիվանդանոց մեկնելուց, 2-ն էլ տեղափոխվել են «Արմենիա» բժշկական կենտրոն:

Դեպքի վայրում հավաքվածներն ասում էին, որ,  հավանաբար, վերջիններս վրաերթի են ենթարկվել:

Բարեբախտաբար, կրպակի ներսում գտնվող մի քանի աշխատակիցներ չեն տուժել, սակայն կրպակը կրել է նյութական մեծ վնաս՝ կոտրվել են ապակիները, թափվել ու վնասվել է գույքն ու մեծ թվով ծաղիկներ: 

Ավտոմեքենան տեղափոխվել է Երևանի ՃՈ պահպանվող հատուկ տարածք:

Ոստիկանությունը պարզում է հիվանդանոց տեղափոխվածների և ծաղկի կրպակի սեփականատիրոջ ինքնությունը: