կարևոր
1340 դիտում, 1 տարի առաջ - 2021-02-22 20:50

«Հայրենիքի փրկության շարժման» երթն ավարտվեց. ներկայացվեց վաղվա օրակարգը

«Հայրենիքի փրկության շարժման» երթն ավարտվեց. ներկայացվեց վաղվա օրակարգը

Նիկոլ Փաշինյանի հրաժարականի պահանջով քաղաքացիների բողոքի երթը Ֆրանսիայի հրապարակում ավարտվեց։

«Հայրենիքի փրկության շարժման» համակարգող Իշխան Սաաղթելյանը ներկայացրեց վաղվա անելիքները։

«Տեղեկություն կա, որ վարչապետի աթոռին կառչած անձը առավոտյան՝ 11։30-ին գնալու է Կառավարության երրորդ մասնաշենք։ Կոչ եմ անում ձեզ ներկա գտնվել՝ բողոքն ու զայրույթը հայտնել եւ ինչպես պայմանավորվել ենք՝ այդ անձն այս երկրում տեղաշարժվելու իրավունք չունի։ Վաղը 11։00-ին եկեք Կառավարության երրորդ մասնաշենքի երկու մուտքերի մոտ՝ թույլ չտալու այդ խելագարի ազատ շարժը մեր մայրաքաղաքում։

Երեկոյան ժամը 18։00-ին հավաքվում ենք Հանրապետություն մետրոյի կայարանում՝ Արամ Մանուկյանի արձանի մոտ։ Հստակ հասցեներով տեղի է ունենալու երթ դեպի Դատախազություն, այնուհետեւ՝ Ոստիկանություն։ Գնալու ենք շատ հստակ կոչերով եւ պահանջով։ Եթե Դատախազությունը քրեական գործ է հարուցում, փորձում է կեղծ մեղադրանքներ առաջադրել, այս երկրում կա մեկ դավաճան, պետությունը քայքայող մեկ անձ, որի հասցեն շատ հստակ է»,- հայտարարեց Սաղաթելյանը։