կարևոր
1379 դիտում, 1 տարի առաջ - 2021-02-22 12:43

«Եթե դատարանի նախագահի մասնակցությամբ դեպքի տեսաձայնագրությունները լինեն, ԲԴԽ-ն հավուր պատշաճի կարձագանքի». Վարդազարյան

«Եթե դատարանի նախագահի մասնակցությամբ դեպքի տեսաձայնագրությունները լինեն, ԲԴԽ-ն հավուր պատշաճի կարձագանքի». Վարդազարյան

«Բարձրագույն դատական խորհրդի նախագահն ամեն ասեկոսեի վերաբերյալ դիրքորոշում չի հայտնում». Aysor.am-ի հետ զրույցում ասել է ԲԴԽ նախագահ Ռուբեն Վարդազարյանը՝ անդրադառնալով ընդհանուր իրավասության դատարանի նախագահ Արթուր Մկրտչյանի վերաբերյալ «Կանաչ ապագա» նախաձեռնության ղեկավար Վահագն Վարագյանի գրառմանը:

Ըստ դրա՝ փետրվարի 20-ին Արթուր Մկրտչյանը սրճարանում հեռախոսազրույցի ընթացքում գոռացել է. «ինչ կապ ունի, որ երեք անչափահաս երեխա ունի, ոնց ուզում ես արա, դրանք պետք է նստեն»:

Ըստ Վարագյանի՝ դատարանի նախագահի այս պահանջը վերաբերել է «Գագիկ Սողոմոնյան» ֆեյքի գործով մեղադրյալներին, այդ թվում՝ Արա Սաղաթելյանին եւ Կարեն Բեքարյանին: ԲԴԽ նախագահն ասել, որ եթե սրճարանի տեսաձայնագրությունները պահանջեն, Բարձրագույն դատական խորհուրդը հավուր պատշաճի կարձագանքի:

Ռուբեն Վարդազարյանը չի հավատում Արթուր Մկրտչյանի մասնակցությամբ նման դեպքին, բայց եւ չի բացառում: