366 դիտում, 2021.02.22 11:50

Boeing ավիաընկերությունը բոլոր ավիաուղիներին խորհուրդ է տվել դադարեցնել Boeing 777-ով թռիչքները

Boeing ավիաընկերությունը բոլոր ավիաուղիներին խորհուրդ է տվել դադարեցնել Boeing 777-ով թռիչքները

Boeing ավիաընկերությունը հորդորել է բոլոր ավիաուղիներին դադարեցնել Pratt & Whitney PW 4000 շարժիչներով Boeing 777 շարքի ինքնաթիռի թռիչքները:

Ընկերությունը հայտնել է, որ այս պահին այդպիսի 69 ինքնաթիռ է օգտագործվում, եւս 59 պահեստում է: Որոշման պատճառը փետրվարի 21-ին United Airlines ամերիկյան ավիաընկերության Boeing 777 ինքնաթիռի հետ տեղի ունեցած միջադեպն է:

ԱՄՆ Դենվեր քաղաքից Հոնոլուլու մեկնող օդանավում թռիչքի ժամանակ տեղի էր ունեցել շարժիչի խափանում: Թեեւ ինքնաթիռը, որում 231 ուղեւոր է եղել, ապահով վերադարձել էր օդանավակայան, սակայն դրա բեկորներն ընկել էին բնակելի շենքերի մերձակայքում:

Տուժածների մասին ոչինչ չի հաղորդվում: