կարևոր
967 դիտում, 8 ամիս առաջ - 2021-02-21 22:26

Կարեն Բեքարյանի խափանման միջոցի վերաբերյալ դատարանի որոշումը կհրապարակվի վաղը

Կարեն Բեքարյանի խափանման միջոցի վերաբերյալ դատարանի որոշումը կհրապարակվի վաղը

Երևանի ընդհանուր իրավասության դատարանը՝ դատավոր Վարդան Գրիգորյանի նախագահությամբ, քննվող «Քառյակ մեդիայի» համահիմնադիր, վերլուծաբան Կարեն Բեքարյանի նկատմամբ կալանավորումը որպես խափանման միջոց ընտրելու մասին ԱԱԾ քննիչի միջնորդության վերաբերյալ դատարանի որոշումը կհրապարակվի վաղը՝ ժամը 11։30֊ին, այս մասին տեղեկացրեց փաստաբան Գոռ Միքայելյանը:

Երեւանի ընդհանուր իրավասության դատարանում՝ դատավոր Արմինե Մելիքսեթյանի նախագահությամբ, քիչ առաջ ավարտվել է ՀՀ ԱԺ աշխատակազմի նախկին ղեկավար Արա Սաղաթելյանի ձերբակալության որոշման դեմ պաշտպանի բողոքի, ինչպես նաեւ նրա նկատմամբ կալանավորումը որպես խափանման միջոց ընտրելու մասին ԱԱԾ քննիչի միջնորդության քննարկումը։ Փաստաբան Հակոբ Ենոքյանը հայտնել է, որ դատական ակտի հրապարակման ժամը դեռեւս հանտնի չէ։

Ինչպես տեղեկացրել էինք փետրվարի 19-ին երեկոյան Ազգային Անվտանգության ծառայության աշխատակիցները միաժամանակյա խուզարկություններ են իրականացրել հանրային մի շարք գործիչների՝ ադբեջանագետ Անժելա Էլիբեկովայի, իրավաբան Գոհար Մելոյանի աշխատասենյակներում, քաղաքագետ Քառյակ Մեդիայի համահիմնադիր Կարեն Բեքարյանի տանը։ Վերջինս բերման է ենթարկել։ Գրեթե միաժամանակ, բերման է ենթարկվել նաեւ ԱԺ աշխատակազմի նախկին ղեկավար Արա Սաղաթելյանը: Ավելի ուշ Գոհար Մելյոյանն ու Անժելա Էլիբեկովան ազատ են արձակվել։

Կարեն Բեքարյանը, Արա Սաղաթելյանը, Մհեր Ավագյանը, Արամ Լևոնի Սարգսյանը ձերբակալվել էին։ Նրանց ձերբակալման իրավաչափության հարցը վիճարկվել էր դատական կարգով, սակայն մինչ դատարանում կքննարկվեր բողոքները, վարույթն իրականացնող մարմինը մեղադրանք էր առաջադրել նրանց՝ այսպես կոչված «Գագիկ Սողոմոնյան» ֆեյքի գործով ու կալանավորելու միջնորդություն ներկայացրել դատարան: Նրանց մեղադրանք է առաջադրվել ՀՀ քրեական օրենսգրքի 226-րդ հոդվածի, 226.2-րդ հոդվածով և 307.4-րդ հոդվածով՝ բռնության կոչեր, ազգային մոլեռանդություն տարածելու և ռազմական դրության ժամանակ տեղեկատվության շրջանառության կանոնները խախտելու հատկանիշներով։ Արամ Սարգսյաննը կալանավորվել է, իսկ Մհեր Ավագյանն այօր դատարանի որոշմամբ ազատ է արձակվել։