կարևոր
1548 դիտում, 1 տարի առաջ - 2021-02-20 22:49

Նարեկ Մալյանին ձերբակալելու որոշման դեմ բողոքի քննությունը հետաձգվեց վաղը. փաստաբան

Նարեկ Մալյանին ձերբակալելու որոշման դեմ բողոքի քննությունը հետաձգվեց վաղը. փաստաբան

Նարեկ Մալյանին ձերբակալելու որոշման դեմ պաշտպանի բողոքի քննության նիստը հետաձգվեց վաղն առավոտյան ժամը 11:00: Դատարանը կարիք ուներ ուսումնասիրելու քննիչի կողմից ներկայացված նյութերը: Մենք չառարկեցինք: Այս մասին Tert.am-ի հետ զրույցում ասաց Նարեկ Մալյանի փաստաբան Տիգրան Աթանեսյանը:

Նարեկ Մալյանը ձերբակալվել է ՀՀ քրեական օրենսգրքի 226.2 կետի առաջին հոդվածի մասով: Աթանեսյանը նշեց, որ ձերբակալությունն ապօրինի է և ըստ իրեն՝ ձերբակալման միակ պատճառը, որ կարող է լինել Նարեկ Մալյանի կողմից բեմադրված ֆուտուրիստական ներկայացումը խաթարելն էր:  

Երեկ երեկոյան Նարեկ Մալյանին ոստիկանությունից ծանուցագիր են ուղարկել, որ այսօր ներկայանա ոստիկանություն և բացատրություն տա այսօր Ազատության հրապարակում կայանալիք փերֆորմանս-ներկայացման մասին:

Անդրադառնալով երեկվանից սկիզբ առած՝ ընդդիմադիր քաղաքական ու հասարակական գործիչների ձերբակալություններին՝ Աթանեսյանը նշեց. «Նրանք դողում են իրենց աթոռի համար և գիտեն, որ առանց այդ աթոռի, առանց ոստիկանական պատնեշների ու քրեական գործերի չեն կարող: Իրենք ամեն ինչ արեցին, որ այդ կյանքը չունենան և չեն ունենալու»,- ասաց նա և հավելեց՝ սա իշխանությունը կորցնելու վախ է:

Հիշեցնենք, որ այսօր իրավապաշտպան Ռուբեն Մելիքյանը տեսանյութ տարածեց, թե ինչպես էին քաղաքացիական հագուստով ոստիկանները հանրահավաքից առաջ ուժով բերման ենթարկում ՎԵՏՕ շարժման հիմնադիր Նարեկ Մալյանին: