կարևոր
765 դիտում, 8 ամիս առաջ - 2021-02-19 20:43

Կարեն Բեքարյանին զրկում են իր պաշտպանության իրավունքից, քննիչը չի պատասխանում զանգերիս և ես չեմ կարող մուտք գործել ԱԱԾ. փաստաբան

Կարեն Բեքարյանին զրկում են իր պաշտպանության իրավունքից, քննիչը չի պատասխանում զանգերիս և ես չեմ կարող մուտք գործել ԱԱԾ. փաստաբան

«Քառյակ Մեդիա»-ի համահիմնադիր, քաղաքական վերլուծաբան Կարեն Բեքարյանին ԱԱԾ դիմակավորված ծառայողներն իր տնից բերման են ենթարկել ԱԱԾ, սակայն, փաստաբանի մուտքն ԱԱԾ խոչընդոտվում է։

Tert.am-ի հետ զրույցում Կարեն Բեքարյանի փաստաբան Գոռ Միքայելյանն ասել է, որ դեռ չի հաջողվել հանդիպել Կարեն Բեքարյանին։

«Քննիչի հետ կապ հաստատել չեմ կարող, հեռախոսազանգերիս չի պատասխանում,ԱԱԾ անցակետում ինձ հայտնում են,որ իրենք որևէ առնչություն չունեն,բոլոր հարցերը քննիչի հետ»,-ասել է Միքայելյանը։

Հարցին,թե գուցե աշխատանքային ընթացակարգ է, փաստաբանն ասել է. «Ոչ, չկա նման գործողության անհրաժեշտություն, որ պայմանավորեմ աշխատանքային ընթացակարգով։Պարզապես դիտավորություն է, ձգձգում են, Կարեն Բեքարյանին զրկում են իր պաշտպանության իրավունքից»։