կարևոր
1082 դիտում, 1 տարի առաջ - 2021-02-18 17:38

Վրաստանի վարչապետի պաշտոնում առաջադրել են պաշտպանության նախարարին

Վրաստանի վարչապետի պաշտոնում առաջադրել են պաշտպանության նախարարին

Վրաստանում իշխող «Վրացական երազանք» կուսակցությունը երկրի վարչապետի պաշտոնում է առաջադրել պաշտպանության նախարար Իրակլի Ղարիբաշվիլիին: Այս մասին տեղեկացնում է «ՌԻԱ Նովոստի» գործակալությունը` հղում տալով կուսակցության նախագահ Իրակլի Կոբախիձեին։

«Քաղաքական խորհուրդը միաձայն որոշում է կայացրել Իրակլի Ղարիբաշվիլիին առաջադրել երկրի վարչապետի պաշտոնում», -ասել է Կոբախիձեն ճեպազրույցի ժամանակ:

Ավելի վաղ հայտնել էինք, որ հրաժարական է տվել Վրաստանի վարչապետ Գեորգի Գախարիան: Հրաժարականի պատճառը տարաձայնություններն են իր թիմում` կապված ընդդիմադիր «Միացյալ ազգային շարժում» կուսակցության առաջնորդ Նիկի Մելիայի կալանքի մասին դատարանի որոշումը կատարելու հետ: