կարևոր
1546 դիտում, 1 տարի առաջ - 2021-02-16 22:44

ԵԱՀԿ ՄԽ համանախագահները տեսակապ են անցկացրել Արա Այվազյանի եւ Ջեյհուն Բայրամովի հետ

ԵԱՀԿ ՄԽ համանախագահները տեսակապ են անցկացրել Արա Այվազյանի եւ Ջեյհուն Բայրամովի հետ

ԵԱՀԿ Մինսկի խմբի համանախագահները (Իգոր Պոպովը՝ ՌԴ, Ստեֆան Վիսկոնտին՝ Ֆրանսիայից և Ամերիկայի Միացյալ Նահանգներից Էնդրյու Շոֆերը) փետրվարի 16-ին տեսակապի միջոցով առանձին զրույցներ են ունեցել Հայաստանի արտգործնախարար Արա Այվազյանի և Ադրբեջանի արտգործնախարար Ջեյհուն Բայրամովի հետ: Այս մասին ասված է համանախագահների համատեղ հայտարարությունում: Զրույցներին մասնակցել է նաեւ ԵԱՀԿ գործող նախագահի անձնական ներկայացուցիչ Անջեյ Կասպրշիկը:

«Յուրաքանչյուր նախարարի հետ համանախագահները մտքերի երկար ու բովանդակային փոխանակություն են կատարել՝ տարածաշրջանում կայունության խթանման, միջնորդական գործընթացի և ԵԱՀԿ գործող նախագահի անձնական ներկայացուցչի գրասենյակի դերին վերաբերող հարցերի շուրջ»- ասված է հաղորդագրության մեջ։