կարևոր
1533 դիտում, 1 տարի առաջ - 2021-02-15 18:16

«Ղարաբաղ Տելեկոմ»-ը պահանջում է իրավաբանական անձանց վճարումներ կատարել՝ 2020թ. հոկտեմբեր, նոյեմբեր, դեկտեմբեր ամիսներին մատուցած ծառայությունների դիմաց

«Ղարաբաղ Տելեկոմ»-ը պահանջում է իրավաբանական անձանց վճարումներ կատարել՝ 2020թ. հոկտեմբեր, նոյեմբեր, դեկտեմբեր ամիսներին մատուցած ծառայությունների դիմաց

«Ղարաբաղ Տելեկոմ»-ը ծանուցումներ է ներկայացրել բաժանորդ հանդիսացող իրավաբանական անենձանց, վճարումներ կատարել՝ 2020թ. հոկտեմբեր, նոյեմբեր, դեկտեմբեր ամիսներին մատուցած ծառայությունների դիմաց: Այս մասին իր ֆեյսբուքյան էջում գրառում է կատարել անհատ ձեռնարկատեր Արմինե Ավագիմյանը:

Արմինե Ավագիմյանը հիմք ընդունելով ԱՀ նախագահի հոկտեմբերի 2-ի որոշումը, դիմել է ձեռնարկատերերին.

«Կո’չ եմ անում Արցախում գրանցված և գործող բոլոր իրավաբանական անձանց և անհատ ձեռնարկատերերին չկատարել 2020թ. հոկտեմբեր, նոյեմբեր, դեկտեմբեր ամիսների համար «Ղարաբաղ Տելեկոմ» ՓԲԸ մասով առաջացած պարտքի մարումներ: Տե’ր կանգնեք Ձեր իրավունքներին, մերժե’ք կեղծիքն ու եղե’ք պահանջատեր, որ տրված խոստումները իրականություն դառնան: Հայրենակիցնե’ր, եթե որոշել ենք կրկին լծվել Հայրենիք կերտելու գործին, ուրեմն Արցախում ժողովրդահաճությունը տեղ չունի և ամեն խոսք գործ պիտի դառնա, այլ տարբերակ պարզապես չկա»: