կարևոր
1621 դիտում, 1 տարի առաջ - 2021-02-15 12:56

ՀՀ քաղաքացին «Ազիզ Մուրադով» անվան տակ պատերազմում անհետ կորած զինծառայողների հարազատներին սուտ տեղեկություններ է հայտնել․ ԱԱԾ բացահայտումը

Ֆեյսբուքում «Ազիզ Մուրադով» անվամբ օգտահաշիվ ունեցող Հայաստանի քաղաքացին կապվել է պատերազմում անհետ կորած զինծառայողների՝ իգական սեռի ներկայացուցիչ հարազատների հետ, որոնց թվում է եղել նաեւ 16-ամյա անչափահաս աղջիկ, ներկայացել որպես ադրբեջանցի, սուտ տեղեկություններ հայտնել նրանց գտնվելու վայրի մասին, այնուհետեւ՝ այլ տեղեկություններ տրամադրելու դիմաց պահանջել է այդ հարազատներից իրեն ուղարկել մերկ վիճակում կատարված լուսանկարներ ու տեսագրություններ՝ հակառակ դեպքում սպառնալով սպանել գերեվարված անձանց:

Ազգային անվտանգության ծառայությունը բերման է ենթարկել որպես ադրբեջանցի ներկայացած անձին, որը ձերբակալվել է, ինքնախոստովանական ցուցմունք տվել, ապա դատարանի որոշմամբ՝ կալանավորվել: Շուրջ մեկ տասնյակ տուժողներ պարզաբանումներ են ներկայացրել կատարվածի վերաբերյալ:

ԱԱԾ-ն հորդորում է զերծ մնալ կասկածելի ծագումնաբանություն ունեցող առաջարկներից: