կարևոր
1127 դիտում, 1 տարի առաջ - 2021-02-15 10:55

Այսօր սկսվում է Մեծ Պահքի շրջանը

Այսօր սկսվում է Մեծ Պահքի շրջանը

Այսօր սկսվում է Մեծ Պահքի շրջանը: Ապրիլի 4-ին եկեղեցին կնշի Հարության տոնը: Մեծ Պահքի շրջանը նախորդում է Հիսուս Քրիստոսի Սուրբ Հարության տոնին եւ տեւում է 48 օր:

Մեծ Պահքն ունի 7 կիրակի, յոթ հիշարժան օրեր. Բուն բարեկենդան, Արտաքսում, Անառակի, Տնտեսի, Դատավորի, Գալստյան եւ Ծաղկազարդ:

Պահքի շրջանում օգտագործում է բացառապես բուսական ծագում ունեցող սննդամթերք: Պահքի ընթացքում հրաժարվում են որոշակի կերակուրներից, նաեւ մոլի սովորություններից, շատախոսությունից, ստախոսությունից, հայհոյանքից եւ այլ մեղքերից:

Մեծ պահքի ընթացքում սովորաբար պսակադրություն չի կատարվում: Սակայն հաշվի առնելով մարդկանց անտեղյակությունը եւ այն, որ շատերն առանց իմանալու նախապատրաստվում են պսակադրությանն ու հնարավոր չէ տեղափոխել պսակի օրը, եկեղեցին ընդառաջում է եւ կատարում է պսակը՝ նախընտրելով օրհնել զույգերին եւ բացառել առանց օրհնության ընտանիք կազմելու հանգամանքը:

Իրականում սխալ է պահքի ժամանակ պսակվել, սակայն այս հարցում եկեղեցին առաջնորդվում է ոչ թե եկեղեցական կանոնների հրամայականով, այլ՝ հովվական խնամքի: