կարևոր
1464 դիտում, 1 տարի առաջ - 2021-02-14 19:07

Վաղն առաջին ատյանի դատարանը կքննի Դատախազության և ՀՔԾ-ի անգործության, պետական դավաճանության փաստի վերաբերյալ փաստաբանների բողոքը

ՀՀ Փաստաբանների պալատի նախագահ Արա Զոհրաբյանը ֆեյսբուքյան իր էջում գրել է.

«ԴԱՏԱԿԱՆ ՆԻՍՏ Է ՆՇԱՆԱԿՎԵԼ

Ինչպես տեղեկացրել էի, ՀՀ դատախազության և ՀՀ հատուկ քննչական ծառայության անգործության վերաբերյալ բողոք էինք ներկայացրել դատարան:

Բողոքի քննությունը նշանակվել է 2021թ. փետրվարի 15-ին (երկուշաբթի) ժամը 10:30-ին՝ Երևան քաղաքի ընդհանուր իրավասության դատարանում (ք.Երևան, Նոր նորքի 4-րդ զանգված Գյուլիքևխյան փող. 20, թիվ 2 դահլիճ, դատավոր՝ Հ.Մանուկյան)

Հ.Գ. Հիշեցնում եմ, որ 2020 թվականի դեկտեմբերի 22-ին ավելի քան հարյուր փաստաբաններ, հաղորդում են ներկայացրել ՀՀ գլխավոր դատախազին, խնդրելով հարուցել քրեական գործ ՀՀ քրեական օրենսգրքի 299-րդ հոդվածով (պետական դավաճանությունը) նախատեսված հանցավոր արարքի կատարման փաստի կապակցությամբ։ Հաղորդումը վերաբերում էր մինչև պատերազմը, պատերազմի ընթացքում և պատերազմից հետո տեղի ունեցած այն իրադարձություններին, որոնք առերևույթ վկայում են պետական դավաճանության հնարավորության մասին»:

Հավելենք, որ ՀՅԴ ԳՄ անդամ Արծվիկ Մինասյանը բոլորին երկուշաբթի՝ փետրվարի 15-ին ժամը 10:30-ին, հրավիրել է դատարնի մոտ( ք. Երևան, Նոր Նորքի 4-րդ զանգված, Գյուլիքևխյան փող. 20)՝ աջակցելու փաստաբաներին, պահանջելու արդարադատություն: