կարևոր
1050 դիտում, 9 ամիս առաջ - 2021-02-14 11:22

ՀՅԴ ԱԵՄ-ը Ստեփանակերտում մոմերով երթ է կազմակերպել. (ԼՈւՍԱՆԿԱՐՆԵՐ)

ՀՅԴ ԱԵՄ-ը Ստեփանակերտում մոմերով երթ է կազմակերպել. (ԼՈւՍԱՆԿԱՐՆԵՐ)

ՀՅԴ Արցախի երիտասարդական միության նախաձեռնությամբ փետրվարի 13-ին կազմակերպվել է ճրագներով երթ: Այն նվիրված էր Արցախյան գոյապայքարի զոհասեղանին իրենց կյանքը զոհած բոլոր հայորդիների սուրբ հիշատակին: Ընտրված օրն էլ պատահական չէ՝ 33 տարի առաջ հենց այս օրն է Ստեփանակերտում կայացել Արցախյան գոյապայքարի առաջին հանրահավաքը:

«Երթ խոնարհումի և հպարտության» խորագրով միջոցառումը մեկնարկել է Ստեփանակերտի Սուրբ Հակոբ եկեղեցու բակից դեպի Եղբայրական գերեզմանոց: Երթը մի պահ կանգնել է Վերածննդի հրապարակում տեղադրված 44-օրյա պատերազմի զոհերի լուսանկարների մոտ, վառվել են 88 մոմեր:

Մոմերով երթը եզրափակվել է Եղբայրական գերեզմանոցում, որտեղ մատուցվել է հոգեհանգստյան կարգ:

ՀՅԴ ԱԵՄ-ի Կենտրոնական վարչության անդամ Անի Հովհանիսյանն իր ելույթում նշել է, որ մոմավառությամբ ցանկանում են ոգեկոչել հերոս տղաների հիշատակը.

«Ուզում ենք ասել նրանց: Դուք Ձեր սխրանքով ու անմնացորդ նվիրումով ևս մեկ անգամ ապացուցեցիք, որ ոչինչ չի փոխվել՝ հայը նույն քաջ ու մարտունակ ռազմիկն է, որ կարող է իր մատղաշ կյանքը զոհաբերել հանուն հայրենիքի, հանուն լուսավոր ապագայի»,- ասել է Անի Հովհաննիսյանը: