կարևոր
1484 դիտում, 1 տարի առաջ - 2021-02-13 21:28

Լավրովն ասել էր, թե Մոսկվան պատրաստ է խզել հարաբերությունները Բրյուսելի հետ, եթե վերջինը նոր պատժամիջոցներ սահմանի Ռուսաստանի նկատմամբ

Լավրովն ասել էր, թե Մոսկվան պատրաստ է խզել հարաբերությունները Բրյուսելի հետ, եթե վերջինը նոր պատժամիջոցներ սահմանի Ռուսաստանի նկատմամբ

Եվրամիությունն ի գիտություն է ընդունել Ռուսաստանի արտգործնախարար Սերգեյ Լավրովի այն հայտարարությունը, թե Մոսկվան պատրաստ է խզել հարաբերությունները Բրյուսելի հետ, եթե վերջինը նոր պատժամիջոցներ սահմանի Ռուսաստանի նկատմամբ:

Եվրամիության դիվագիտական գերատեսչության պաշտոնական ներկայացուցիչ Պիտեր Ստանոն ասել է, սովորաբար արձագանքում են ոչ թե լրատվամիջոցներում քաղաքական գործիչների հայտարարություններին, այլ կոնկրետ գործողություններին:

Ամեն դեպքում, այս հարցը կքննարկեն Եվրամիության խորհրդում: Ռուսաստանը, Պիտեր Ստանոյի կարծիքով, արդեն լիովին հասկացրել է, որ չի ցանկանում գնալ Եվրամիության հետ հարաբերությունների կարգավորման:

Նշենք նաեւ, որ Լավրովի աղմկահարույց հայտարարությունից հետո Ռուսաստանի արտգործնախարարությունը պարզաբանել է, թե Մոսկվան պատրաստ է հարաբերությունների խզմանը, եթե դա տեղի ունենա Բրյուսելի նախաձեռնությամբ: Իսկ, ընդհանուր առմամբ, իրենք համագործակցության կողմնակից են: