կարևոր
1219 դիտում, 1 տարի առաջ - 2021-02-13 12:30

Ղրիմում Թուրքիային խորհուրդ են տվել հրաժարվել Ռուսաստանի տարածքի մասին երազանքներից

Ղրիմում Թուրքիային խորհուրդ են տվել հրաժարվել Ռուսաստանի տարածքի մասին երազանքներից

Ղրիմում Թուրքիային խորհուրդ են տվել հրաժարվել Ռուսաստանի տարածքի մասին երազանքներից, քանի որ դրանք շատ ծիծաղելի են ու գիտաֆանտաստիկ ժանրից:

Ղրիմի խորհրդարանի ժողովրդական դիվանագիտության ու ազգամիջյան հարաբերությունների կոմիտեի նախագահ Յուրի Գեմպելը նաեւ զգուշացրել է, որ կարելի է լուրջ խնդիրների բախվել այդչափ մեծ ախորժակի պատճառով: Նա հիշել է, որ այն ժամանակ, երբ Ղրիմն Ուկրաինայի կազմում էր, Թուրքիան ակտիվ քարոզչական գործունեություն էր ծավալում թերակղզում:

«Հիմա Ղրիմը Ռուսաստանի իրավական մասն է: Իսկ Ռուսաստանը Ուկրաինա չէ, կուլիսային նման խաղերը նրա հետ չեն անցնի», - ասել է Գեմպելը:

Հիշեցնենք, որ օրերս թուրքական հայտնի հեռուստաընկերություններից մեկի եթերում քարտեզ էր ներկայացվել, թե մինչեւ 2050-ը Թուրքիայի ազդեցությունը որքան կընդլայվի ու որ երկրների վրա կտարածվի: Այդ քարտեզում ներառվել էին Ռուսաստանի հարավային շրջաններ, Հյուսիսային Աֆրիկայի ու Մերձավոր Արեւելքի մի քանի պետություններ, նաեւ Հայաստանը, Ադրբեջանը, Հունաստանը, Վրաստանը, Աբխազիան ու Օսեթիան: