կարևոր
1236 դիտում, 1 տարի առաջ - 2021-02-12 12:13

Մոսկվան պատրաստ է խզել հարաբերությունները Եվրամիության հետ․ Սերգեյ Լավրով

Մոսկվան պատրաստ է խզել հարաբերությունները Եվրամիության հետ․ Սերգեյ Լավրով

Մոսկվան պատրաստ է խզել հարաբերությունները Եվրամիության հետ: Այս մասին հայտարարել է Ռուսաստանի արտգործնախարար Սերգեյ Լավրովը՝ հավելելով, որ այդ քայլին կդիմեն, եթե Եվրամիությունը ռուսական տնտեսության զգայուն ոլորտների համար ռիսկեր առաջացնող նոր պատժամիջոցներ սահմանի:

Լավրովն ընդգծել է, որ Ռուսաստանը չի ցանկանում մեկուսանալ աշխարհից, բայց դրան պետք է պատրաստ լինել: «Եթե խաղաղություն ես ուզում, պատրաստվիր պատերազմին»,-«Սալավյով Լայվ» հաղորդման եթերում ասել է Ռուսաստանի արտգործնախարարը:

Հիշեցնենք, որ անցած շաբաթ Եվրամիության դիվանագիտության ղեկավար Ժոզեպ Բորելի՝ Մոսկվա կատարած այցից հետո, երկկողմ հարաբերություններն էլ ավելի են սրվել: Բորելի հետ ասուլիսին Լավրովն ասել էր, որ Եվրամիությունը Մոսկվայի համար հուսալի գործընկեր չէ: Բորելն էլ, թեեւ Մոսկվայում հայտարարել էր, որ կան ոլորտներ, որոնց շուրջ կարող են համագործակցել Մոսկվայի հետ, Բրյուսել վերադառնալուց հետո իր բլոգում գրել էր, որ Ռուսաստանն ավելի է հեռվանում Եվրամիությունից, ակնարկել էր նոր պատժամիջոցների մասին: