կարևոր
1715 դիտում, 1 տարի առաջ - 2021-02-12 11:35

Գիշերը Երեւանում պղծել են Հոլոքոստի եւ Հայոց Ցեղասպանության հուշարձանը

Գիշերը Երեւանում պղծել են Հոլոքոստի եւ Հայոց Ցեղասպանության հուշարձանը` ներկով ծածկելով հուշաքարն ամբողջությամբ։ Անհայտ անձիք լատինատառ անհասկանալի գրառումներ են կատարել քարերի վրա։

Ահազանգից հետո քաղաքապետարանի ծառայությունները սկսել են մաքրել այն։ Սոցցանցերում բազում օգտատերեր դատապարտել են տեղի ունեցածը` գնահատելով այն իբրեւ սադրանք։

Հեռուստամեկնաբան Արտյոմ Երկանյանը հույս է հայտնել, որ դա հայի ձեռքի գործ չէ, այլ՝ թշնամական մի պետության հատուկ ծառայության գործակալի արարք, որի վարկածը եւս իրավապահները պետք է քննեն։

Քանդակագործ Ռուբեն Արուտչյանի հեղինակած հուշարձանը Երեւանի Օղակաձեւ զբոսայգում` Տերյան եւ Մոսկովյան փողոցների հատման վայրում տեղադրվել է 2006 թվականի հոկտեմբերի 27-ին։ Բացմանը ներկա են եղել պետական պաշտոնյաներ, պատգամավորներ, օտարերկրյա դեսպանատների ներկայացուցիչներ։