կարևոր
1328 դիտում, 1 տարի առաջ - 2021-02-11 20:25

Կա հայ-ադրբեջանական համատեղ հուշագիր, սակայն չկա պաշտոնական արձագանք․ (ՏԵՍԱՆՅՈւԹ)

  
Նախօրեից սոցցանցերում հայտնվել է հայ-ադրբեջանական համատեղ հուշագրի լուսապատճենը, որն առայժմ պաշտոնապես գնահատականի չի արժանացել։

Հայաստանի ներկայիս իշխանավորները լիարժեք չեն հաստատում, որ նման փաստաթուղթ գոյություն ունի:

Մինչդեռ ըստ այլ աղբյուրների, ռուս սահմանապաների, որոնց ձեռքին է դրա պատճենը, հենց դրանով էլ նրանք Սյունիքի սահմանագոտում առաջնորդվում են:

Ներկայացված այդ պատճենում մի շարք կետերեն են, որոնցից մեկով շեշտվում է, որ հուշագիրը ստորագրվում է Հայաստանի, Ադրբեջանի եւ Ռուսաստանի ղեկավարների նոյեմբերի 9-ի հայտարարության կատարման համար։

Ի՞նչ է սա, ի՞նչու Հայաստանի քաղաքացին դրա մասին տեղյակ չէ, եթե դա իրական փաստաթուղթ է: Արդյոք հենց դրանում նշված կետերի կատարման մասին էր ասում Նիկոլ Փաշինյանը՝ դրանք անվանելով «բանավոր պայմանավորվածություններ»:

Հիշեցնենք, որ դեռեւս հունվարի 11-ին մեր հեռուստաընկերությունից Կառավարությանն ուղղարկված գրավոր հարցմանն ի պատասխան գործադիրից նշել էին, թե նոյեմբերի 9-ի եռակողմ հայտարարության հավելված գոյություն չունի:

Եվ, ահա, այսօր էլ մենք դարձյալ դիմել ենք վարչապետի աշխատակազմին, եւ մամուլի քարտուղար Մանե Գեվորգյանը մեզ հորդորել է հարցումը ձեւակերպել գրավոր, եւ այդպես այն իրենց ուղղել:

Մանրամասները՝ Ալինա Սիմոնյանի տեսանյութում: