կարևոր
1210 դիտում, 1 տարի առաջ - 2021-02-09 13:54

Սարգիս Քլոյանի դուստրը մանդատ ստացավ «Իմ քայլից»՝ համալրելով Երևանու ավագանու կազմը

Սարգիս Քլոյանի դուստրը մանդատ ստացավ «Իմ քայլից»՝ համալրելով Երևանու ավագանու կազմը

Այսօր Երևանի ավագանու նիստի մեկնարկին քաղաքապետ Մարությանը հայտնեց, որ Երևանի ավագանու «Իմ քայլը» խմբակցության քարտուղար Հասմիկ Խաչունցը վայր է դրել խմբակցության քարտուղարի լիազորությունների կատարումը, նրա փոխարեն «Իմ քայլը» խմբակցության քարտուղար է ընտրվել Արմեն Գալջյանը:

Մարությանը տեղեկացրեց նաև, որ ավագանու «Իմ քայլը» խմբակցությունը համալրվել է մեկ նոր անդամով. ընտրական ցուցակի հերթականությամբ մանդատ է ստացել Անուշ Քլոյանը։ Նշենք, որ Անուշ Քլոյանը մարտի 1-ի գործով տուժած ճանաչված, Փաշինյանի Քաղաքացիական պայմանագիր կուսակցության անդամ Սարգիս Քլոյանի դուստրն է, Գոռ Քլոյանի քույրը։ Հավելենք, որ Անուշ Քլոյանը ևս Քաղաքացիական պայմանագիր կուսակցության անդամ է, Երևանու ավագանու 2018թ.-ի ընտրությունների «Իմ քայլը» դաշինքի ցուցակում ներկայացված է որպես աշխատանք չունեցող ՔՊ անդամ:

Անուշ Քլոյանը փոխարինում է Գայանե Մելքոմ-Մելքոմյանին, որը 2020 թվականի դեկտեմբերի 22-ի որոշմամբ նշանակվել է Երևանի քաղաքապետի տեղակալ: