կարևոր
1044 դիտում, 1 տարի առաջ - 2021-02-06 12:24

Հարյուրավոր մարդիկ ռազմական հեղաշրջման դեմ բողոքի ակցիա են կազմակերպել Մյանմայի նախկին մայրաքաղաք Յանգոնում

Հարյուրավոր մարդիկ ռազմական հեղաշրջման դեմ բողոքի ակցիա են կազմակերպել Մյանմայի նախկին մայրաքաղաք Յանգոնում

Չնայած սոցցանցերն արգելափակելու զինվորականների ջանքերին, հարյուրավոր մարդիկ ռազմական հեղաշրջման դեմ բողոքի ակցիա են կազմակերպել Մյանմայի նախկին մայրաքաղաք Յանգոնում:

Ցուցարարների գլխավոր ուղերձը եղել է հետեւյալը. «Զինվորականների հաստատած բռնապետությունը կպարտվի, ժողովրդավարությունը կհաղթի»: Բողոքի ակցիայի մասնակիցները պահանջել են ազատ արձակել տնային կալանքի տակ գտնվող երկրի դե ֆակտո ղեկավար Աուն Սան Սու Չժիին ու մյուս ձերբակալվածներին:

Հեղաշրջումից հետո սա ամենամեծ բողոքի ակցիան էր:

Նշենք նաեւ, որ այս պահին Մյանմայում արգելափակված են «Ֆեյսբուք»-ը, «Թվիթեր»-ը եւ «Ինստագրամը»: