կարևոր
1683 դիտում, 3 տարի առաջ - 2021-02-06 10:06

Երևանի Մաշտոց-Ամիրյան խաչմերուկում բախվել են BMW–ն և Subaru–ն․ 2 մարդ հոսպիտալացվել է

Երևանի Մաշտոց-Ամիրյան խաչմերուկում բախվել են BMW–ն և Subaru–ն․ 2 մարդ հոսպիտալացվել է

Փետրվարի 6-ին` ժամը 01։43-ին, Ճգնաժամային կառավարման ազգային կենտրոն տեղեկություն է ստացվել, որ Երևանի Մաշտոցի պողոտայի և Ամիրյան փողոցի խաչմերուկում տեղի է ունեցել ՃՏՊ․ կա արգելափակված տուժած։

Դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ և Փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական խումբը:

Պարզվել է, որ բախվել են «BMW 531» (վարորդ` Մ․ Գ․, ծնված 1978 թ․) և «Subaru» (վարորդ` Ս․ Ի․, ծնված 1985 թ․) մակնիշների ավտոմեքենաները։ «Subaru» մակնիշի ավտոմեքենայի վարորդը հոսպիտալացվել է «Աստղիկ» ԲԿ, իսկ «BMW 531» մակնիշի ավտոմեքենայի ուղևորը՝ «Արմենիա» ՀԲԿ։