կարևոր
1229 դիտում, 1 տարի առաջ - 2021-02-02 19:27

«Արմավիր» ՔԿՀ-ի ծառայողները կանխել են դեղամիջոցի փոխարեն թմրանյութի փոխանցումը դատապարտյալին

«Արմավիր» ՔԿՀ-ի ծառայողները կանխել են դեղամիջոցի փոխարեն թմրանյութի փոխանցումը դատապարտյալին

Հայաստանի Հանրապետության արդարադատության նախարարության «Արմավիր» քրեակատարողական հիմնարկի ծառայողները, իրացնելով օպերատիվ տվյալները, փետրվարի 1-ի ժամը 16:10-ի սահմաններում զննության են ենթարկել քաղաքացի Տ. Ղ.-ի կողմից դատապարտյալ Ս. Հ.-ի անվամբ բերված դեղորայքը։ Զննության արդյունքում «Катафаст» անվանմամբ, ջրում լուծելու համար նախատեսված փոշենման դեղամիջոցի՝ գործարանային 2 զիպ-փաթեթներում քողարկված հայտնաբերել են նշված դեղամիջոցի փոխարեն լցված հերոին և մեթամֆետամին տեսակի թմրամիջոցներին նմանվող, համապատասխանաբար՝ 1.03 գրամ և 0.67 գրամ զանգվածներ:

Ինչպես տեղեկացնում են ՀՀ ԱՆ քրեակատարողական ծառայության հանրային կապերի բաժնից, փաստի առթիվ նախապատրաստվում են նյութեր, նշանակվել է դատաքիմիական փորձաքննություն: