կարևոր
1381 դիտում, 1 տարի առաջ - 2021-02-02 14:09

Դատարանը թույլատրել է Ռոբերտ Քոչարյանին փետրվարի 3-8-ը բացակայել Հայաստանից

Դատարանը թույլատրել է Ռոբերտ Քոչարյանին փետրվարի 3-8-ը բացակայել Հայաստանից

Երևան քաղաքի ընդհանուր իրավասության դատարանը թույլատրել է ՀՀ երկրորդ նախագահ Ռոբերտ Քոչարյանին սույն թվականի փետրվարի 3-ից 8-ը ներառյալ բացակայել Հայաստանից։ Այդ մասին հայտնում են Քոչարյանի փաստաբանական թիմից:

ՀՀ երկրորդ նախագահի գրասենյակի ղեկավար Վիկտոր Սողոմոնյանը Երկիր Մեդիային տեղեկացրեց, որ Մոսկվայում անցկացվելու է «Սիստեմա» ԲՖԿ–ի նիստը, որի խորհրդի անդամ է Ռոբերտ Քոչարյանը: «Երկրորդ նախագահը Մոսկվա է մեկնում նիստին մասնակցելու նպատակով»,– ասաց Սողոմոնյանը։:

Դատարանի որոշման հետ կապված այսօրվա նիստի ընթացքում մեղադրող դատախազ Գևորգ Բաղդասարյանը հայտարարեց, որ դատարանի որոշման հիման վրա «Ոստիկանությանը խնդրվել է Ռոբերտ Քոչարյանի նկատմամբ կիրառված սահմանափակումները այդ ընթացքում վերացնել և հետո կրկին կիրառել։ ՀՀ-ից մեկնելու թույլտվության մասին տեղեկացվել են Ոստիկանության և ԱԱԾ պետերը»։ Դատախազը նաև խնդրեց որոշման հիմքերը: 

Դատավոր Դանիբեկյանը խոստացավ մեղադրող կողմին տրամադրել փաստաթղթերը, որոնց հիման վրա տրվել է երկրից բացակայելու թույլտվությունը։

Դատախազ Բաղդասարյանը հիշեցրեց, որ նախորդ դատական նիստերից մեկում բարձրացվել է Ռ․Քոչարյանի՝ երկրից բացակայելու թույլտվություն տրամադրելու հարցը, սակայն որևէ պարզաբանում այդ առնչությամբ չի տրվել։

Նախագահող դատավորը նշեց, որ եթե մեղադրող կողմն առարկություն ունի, կարող է բողոքարկել դատարանի որոշումը։