592 դիտում, 2021.01.26 10:58

Հայտնաբերվել է 4 զինծառայողի դի․ մեկը փոխանցել է ադրբեջանական կողմը

Հայտնաբերվել է 4 զինծառայողի դի․ մեկը փոխանցել է ադրբեջանական կողմը

Ադրբեջանական կողմը հայկական կողմին է փոխանցել 1 զինծառայողի դի։ Այս մասին հայտնել է Արցախի ԱԻՆ տեղեկատվության և հասարակայնության հետ կապերի բաժնի պետ Հունան Թադևոսյանը:

«Ադրբեջանական կողմը Մատաղիսից փոխանցել է մեկ դի։ Նրա ինքությունը հայտնի է դարձել վարորդական իրավունքից։ Նա 1993 թվականին ծնված Աշոտ Լևոնի Խաչատրյանն է, մասնակցել է պատերազմին որպես պահեստազորային։

Մյուս երեք զինծառայողների դիերը հայտնաբերվել են որոնողական աշխատանքների ընթացքում Ջաբրայիլից»,- նշել է Հունան Թադևոսյանը։

Այսօր 2 խումբ իրականացնում է որոնողական աշխատանքներ Հադրութում։

Հունան Թադևոսյանի խոսքով՝ մինչ օրս ընդհանուր առմամբ հայտնաբերվել է 1287 աճյուն։