286 դիտում, 2021.01.19 15:02

Դահուկասպորտի ֆեդերացիան Հայաստանի առաջնության արդյունքները բավարար է համարում

Դահուկասպորտի ֆեդերացիան Հայաստանի առաջնության արդյունքները բավարար է համարում

Հայաստանի դահուկավազքի առաջնության առաջին փուլում մասնակիցների և արդյունքների տեսանկյունից անակնկալներ չեն գրանցվել:

Կականց ազատ դասական ոճերում Հայաստանի չեմպիոն դարձել է Կատյա Գալստյանը: Նրան հաջորդում են Անգելինա Մուրադյանը և Նելլի Խաչատրյանը:

Տղամարդկանց պայքարում երկրի բացարձակ չեմպիոնն, ինչպես նախորդ տարի, Միքայել Միքայելյանն է, ով լավագույն էր թե ազատ և թե դասական ոճերում: Արծաթե մեդալակիր է դարձել Թադևոս Պողոսյանը, իսկ բրոնզե մեդալակիր` Սպարտակ Ոսկանյանը:

Հայաստանի դահուկասպորտի ֆեդերացիայի գլխավոր քարտուղար Գագիկ Սարգսյանն ամփոփելով առաջնությունը շեշտեց, որ որպես այդպիսին մրցաշրջանը նոր է մեկնարկում և առջևում դեռ կա երկրորդ փուլը:

«Ընդհանուր առմամբ արդյունքների մասին խոսելիս կարող եմ բավարար գնահատել: Եթե երկրորդ փուլում լինի էական տարբերություններ կարելի է վերլուշել հասկանալ»,-ասել է Սարգսյանը:

Երկրորդ փուլը նախատեսված է փետրվարի 12-14-ը: