կարևոր
1313 դիտում, 10 ամիս առաջ - 2021-01-18 14:38

Մոսկվայում կայացած եռակողմ հանդիպման շրջանակում՝ Հայաստանի եւ Ադրբեջանի ղեկավարները Ռուսաստանի նախագահի հետ միասին նաեւ ճաշել են

Մոսկվայում կայացած եռակողմ հանդիպման շրջանակում՝ Հայաստանի եւ Ադրբեջանի ղեկավարները Ռուսաստանի նախագահի հետ միասին նաեւ ճաշել են

Հունվարի 11-ին Մոսկվայում կայացած եռակողմ հանդիպման շրջանակում Հայաստանի եւ Ադրբեջանի ղեկավարները Ռուսաստանի նախագահի հետ միասին նաեւ ճաշել են: Սա պարզ է դարձել «Ռոսսիա 24-ի» լուրերի կիրակնօրյա թողարկման ռեպորտաժից:

Նշվում է, որ գրեթե 4 ժամ տեւած բանակցություններից հետո մեկ անգամ է բանակցային սենյակից դուրս եկել Հայաստանի վարչապետը, ենթադրաբար, զանգելու նպատակով, ապա վերադարձել է: Հետո նույն սենյակում մատուցվել է ճաշը:

Ռեպորտաժի հեղինակը նշում է, որ այդ ժամանակ, հավանաբար, ղեկավարները համաձայնության արդեն եկել էին, քանի որ 15 րոպե անց նրանք դուրս են եկելաշխատասենյակից եւ հայտարարել են եռակողմ նոր փաստաթղթի ստորագրման մասին:

«Մոսկվա-Կրեմլ-Պուտին» հաղորդման ժամանակ էլ նշվել է, որ բանակցային սենյակում կար նաեւ ռուսական գինի, որի առկայությունը, Ռուսաստանի արարողակարգի համաձայն, պարտադիր է:

Հիշեցնենք, որ լրատվամիջոցների համար հայտարարության ժամանակ Նիկոլ Փաշինյանը նշել էր, որ հանդիպման ընթացքում գերիների ու պատանդների վերադարձի հարցը լուծել չի հաջողվել: