կարևոր
1727 դիտում, 1 տարի առաջ - 2021-01-18 13:47

Առողջապահության նախարար Արսեն Թորոսյանն այսօր լքելու է իր պաշտոնը

Առողջապահության նախարար Արսեն Թորոսյանն այսօր լքելու է իր պաշտոնը

Առողջապահության նախարար Արսեն Թորոսյանն այսօր լքելու է իր պաշտոնը։ Սպասվում է նախագահի հրամանագիրը։ ՀՀ նախագահի աշխատակազմն արդեն ստացել է նրան պաշտոնից ազատելու վարչապետի առաջարկը։

Տեղեկությունը Yerkirmedia.am-ի հետ զրույցում հաստատել է ՀՀ նախագահի օգնական Հասմիկ Պետրոսյանը: Առայժմ պաշտոնապես չի նշվում առողջապահության նոր նախարարի անունը, սակայն մեր տեղեկություններով Թորոսյանին փոխարինելու է իր տեղակալ Անահիտ Ավանեսյանը։ Վերջինս փոխնախարար է նշանակվել 2018 թվականին։ Մասնագիտությամբ իրավաբան է, աշխատել է հասարակական սեկտորում, ապա տնօրեն է եղել դեղագործական ընկերությունում, որը մեծաքանակ վաճառքներ է իրականացրել պետական բժշկական հաստատություններին։

Ի դեպ, Արսեն Թորոսյանն անգործ չի մնալու։ Նա դառնալու է վարչապետի աշխատակազմի ղեկավար։ Իսկ ներկայիս ղեկավար Էդուարդ Աղաջանյանի հետագա ճակատագրի շուրջ հստակ տեղեկություններ չկան։