կարևոր
1193 դիտում, 1 տարի առաջ - 2021-01-15 09:41

Ռուս խաղաղապահների համար «Спутник V» պատվաստանյութի շուրջ 2 հազար չափաբաժին է բերվել Լեռնային Ղարաբաղ

Ռուս խաղաղապահների համար «Спутник V» պատվաստանյութի շուրջ 2 հազար չափաբաժին է բերվել Լեռնային Ղարաբաղ

Ռուս խաղաղապահ զորախմբի ռազմական բժիշկները սկսել են Լեռնային Ղարաբաղում խաղաղապահների պատվաստումը։ Նախօրեին «Спутник V» պատվաստանյութի շուրջ երկու հազար չափաբաժին են տեղափոխել հատուկ նշանակության բժշկական ջոկատ: Այս մասին տեղեկացնում է ՌԴ ՊՆ-ն։

Պատվաստումն իրականացվում է երկու փուլով։ Առաջին պատվաստանյութը ստացել են ռուս խաղաղապահ զորակազմի հրամանատարության ներկայացուցիչները, ինչպես նաեւ բժշկական ստորաբաժանումների զինծառայողները։

«Ընդհանուր առմամբ, Լեռնային Ղարաբաղ է հասցվել պատվաստանյութի մոտ 2 հազար չափաբաժին։ Նախատեսվում է ամբողջ անձնակազմի պատվաստումն ավարտել մինչեւ հունվարի վերջ»,-նշել է ՌՄՀ-ի բժշկական ծառայության պետ փոխգնդապետ Օլեգ Բոգաեւը: