կարևոր
1467 դիտում, 1 տարի առաջ - 2021-01-14 21:39

Արամ Սարգսյանին կառավարություն էին կանչել փորձի փոխանակման համար

Արամ Սարգսյանին կառավարություն էին կանչել փորձի փոխանակման համար

Վարչապետ Նիկոլ Փաշինյանը կառավարությունում ընդունել է «Հանրապետություն» կուսակցության նախագահ Արամ Սարգսյանին եւ Միավորված աշխատանքային կուսակցության նախագահ Գուրգեն Արսենյանին:

Ըստ պաշտոնական հաղորդագրության՝ հանդիպման ընթացքում քննարկվել են հայ գերիների վերադարձի, 2021 թվականին խորհրդարանական արտահերթ ընտրությունների անցկացմանը վերաբերող եւ տնտեսական բնույթի հարցեր:

Հանդիպումից հետո լրագրողների հետ զրույցում Արամ Սարգսյանը նշել է, որ իրեն վարչապետը հրավիրել էր փորձի փոխանակման համար: «Աշխարհում չկա ժողովուրդ, որ ցանկանա շրջափակված ապրել»,- նշել է Սարգսյանը՝ անդրադառնալով Ադրբեջանի եւ Թուրքիայի հետ կոմունիկացիաների ապաշրջափակմանը:

Հարցին, թե արդյոք չի՞ կարծում, որ Նիկոլ Փաշինյանը մոսկովյան այցից հետո պետք է հրաժարական ներկայացներ, քանի որ գերիների վերադարձի մասին նրա օրակարգը տապալվել է, Արամ Սարգսյանը նշել է, որ ըստ իրեն Մոսկվայում տապալվել են նաեւ Ադրբեջանի եւ Թուրքիայի օրակարգերը: