կարևոր
938 դիտում, 9 ամիս առաջ - 2021-01-14 20:38

Ռուսաստանը ԱՄՆ-ի և Ֆրանսիայի դեսպաններին է հայտնել Պուտին-Փաշինյան-Ալիև հանդիպման մանրամասները

Ռուսաստանը ԱՄՆ-ի և Ֆրանսիայի դեսպաններին է հայտնել Պուտին-Փաշինյան-Ալիև հանդիպման մանրամասները

ՌԴ արտաքին գործերի նախարարի տեղակալ Անդրեյ Ռուդենկոն ընդունել է Մոսկվայում ԱՄՆ ու Ֆրանսիայի արտակարգ և լիազոր դեսպաններ՝ Ջոն Սալիվանին և Պյեր Լևիին, և նրանց տեղեկատվություն տրամադրել հունվարի 11-ին Լեռնային Ղարաբաղի հարցով կայացած բանակցությունների արդյունքների մասին:  Այդ մասին հաղորդում է ՌԴ Արտաքին գործերի նախարարությունը:  

«Դեսպանները տեղեկացվել են Ռուսաստանի Դաշնության նախագահ Վլադիմիր Պուտինի՝ Ադրբեջանի նախագահ Իլհամ Ալիևի և Հայաստանի վարչապետ Նիկոլ Փաշինյանի հետ հունվարի 11-ին ունեցած բանակցությունների արդյունքներին: Տեղի է ունեցել մտքերի համապարփակ փոխանակություն ԵԱՀԿ Մինսկի խմբի համանախագահ պետությունների հետագա համատեղ ջանքերի շուրջ»,- ասված է հաղորդագրության մեջ:  

Ռուսաստանի Դաշնությունը, ԱՄՆ-ը և Ֆրանսիան Լեռնային Ղարաբաղի հակամարտության կարգավորմամբ զբաղվող միջազգային մանդատ ունեցող ԵԱՀԿ Մինսկի խմբի համանախագահ պետություններն են: