7 ամիս առաջ 7 ամիս առաջ 7 ամիս առաջ 7 ամիս առաջ 7 ամիս առաջ 7 ամիս առաջ 7 ամիս առաջ 7 ամիս առաջ 7 ամիս առաջ 7 ամիս առաջ 
2713 դիտում, 
2 տարի առաջ - 2021-01-13 14:25 
Խորհրդարանում այսօր «Իմ քայլը» խմբակցության անդամները հանդիպում էին ՀՀ բարձրագույն դատական խորհրդի անդամի պաշտոնում առաջադրված թեկնածու՝ ՀՀ նախկին զինվորական դատախազ, ՀԱԿ խմբակցության նախկին պատգամավոր, Մարտի 1-ի գործով դատապարտված և միայն 10 տարի անց արդարացված Գագիկ Ջհանգիրյանի հետ: Հանդիպման ավարտին լրագրողների հետ զրույցում պատասխանելով հարցին՝ «ժամանակին, երբ դուք պատգամավոր էիք, Նիկոլ Փաշինյանը Ձեզ մեղադրում էր նախկին իշխանություններին ծառայելու մեջ: Հիմա նրա իշխանության օրոք ո՞ւմ եք ծառայելու», Գագիկ Ջհանգիրյանն ասաց, որ գործադիր իշխանություն չի գնում, քաղաքական թիմի անդամ չի դառնում, այլ գնում է մասնագիտական աշխատանքի և հավելեց, թե Բարձարագույն դատական խորհրդի անդամի պաշտոնում իր թեկնածությունն առաջադրել է «Իմ Քայլը» խմբակցությունը, ինքն էլ առաջարկը չի մերժել.
«Սահմանադրության եւ կանոնակարգ օրենքով՝ իրավաբան գիտնականն այլ ճանապարհ չունի ԲԴԽ կազմում հայտնվելու, բացի խմբակցությունների կողմից առաջադրվելուց: Քանի որ թվապես ավելի փոքր խմբակցությունների կողմից առաջադրումը երաշխիք չի, ձայները չեն բավարարելու, բնականաբար, համաձայնել եմ մեծամասնական խմբակցության կողմից առաջադրվելուն: Բայց ես գործադիր իշխանություն չեմ գնում, քաղաքական պաշտոն չեն ստանձնում, քաղաքական թիմի անդամ չեմ դառնում, այլ գնում եմ մասնագիտական աշխատանքի»:
ԲԴԽ անդամի տեղը թափուր էր մնացել Հայկ Հովհաննիսյանի հրաժարականից հետո։ Գագիկ Ջհանգիրյանի թեկնածությունը միանշանակ չի ընդունվել դատական համակարգում: Մամուլում հրապարակում եղավ, որ Գագիկ Ջհանգիրյանը ԲԴԽ անդամ չի կարող ընտրվել՝ տարիքային սահմանափակման պատճառով։
Իր 65 տարին լրացած լինելուն և օրենքով սահմանված տարիքային սահմանափակումներին մասին լրագրողների հարցին Ջհանգիրյանը հակադարձեց, որ դատավորների համար տարիքային սահմանափակումներ նախատեսվում են, իսկ իրավաբան-գիտնականների համար տարիքային առավելագույն սահման նախատեսված չէ։
Ազգային ժողովի «Իմ քայլը» խմբակցությունը Բարձրագույն դատական խորհրդի անդամի պաշտոնում նախկին զինդատախազ Գագիկ Ջհանգիրյանի թեկնածությունն առաջադրելիս հաշվի է առել նրա պրոֆեսիոնալիզմը: Այս մասին խորհրդարանում լրագրողների հետ զրույցում ասաց խմբակցության ղեկավար Լիլիթ Մակունցը:
«Թեկնածուի հետ կապված մտորումները պայմանավորված են եղել նրանով, որ մենք համարում ենք պարոն Ջհանգիրյանին իր ոլորտի պրոֆեսիոնալ: Այն բոլոր հարցերը, որոնք առկա են հանրության մոտ, հնչեցվել են, և խմբակցության տպավորությունը եղել է այն, որ Գագիկ Ջհանգիրյանը ներկայացնում է սպառիչ պարզաբանումներ այդ հարցերի վերաբերյալ»,- ասաց Մակունցը:
Լիլիթ Մակունցը նշեց, որ այսօր իրենք կներկայացնեն համապատասխան առաջարկը և առաջիկա քառօրյայում կքննարկեն Գագիկ Ջհանգիրյանին ԲԴԽ անդամի պաշտոնում ընտրելու հարցը:
2022-10-05 20:11 2022-10-05 18:20 2022-10-05 17:27 2022-10-04 16:37 2022-10-03 23:33 2022-10-03 22:50 2022-10-03 20:06 2022-10-03 19:35 2022-10-03 18:32 2022-10-03 17:36 2022-10-01 19:58 2022-10-01 19:01 2022-10-01 18:11 2022-09-30 23:32 2022-09-30 22:51 2022-09-30 20:03 2022-09-30 19:25 2022-09-30 18:34 2022-09-29 22:49 2022-09-29 19:52 2022-09-29 19:04 2022-09-29 18:45 2022-09-29 12:51 2022-09-27 19:13 2022-09-27 18:40 2022-09-26 23:18 2022-09-26 21:34 2022-09-26 19:55 2022-09-26 19:16 2022-09-26 18:41 2022-09-26 18:03 2022-09-26 12:27 2022-09-25 00:02 2022-09-24 23:10 2022-09-24 20:01 2022-09-24 19:25 2022-09-24 18:37 2022-09-24 17:45 2022-09-23 23:55 2022-09-23 23:18 2022-09-23 20:02 2022-09-23 19:26 2022-09-23 18:42 2022-09-23 13:53 2022-09-23 00:26 2022-09-22 23:51 2022-09-22 23:09 2022-09-22 19:50 2022-09-22 18:57 2022-09-22 00:34 2022-09-21 23:47 2022-09-21 23:29 2022-09-21 19:38 2022-09-21 18:33 2022-09-21 17:42 2022-09-20 21:29 2022-09-20 19:51 2022-09-20 19:02 2022-09-20 17:32 2022-09-20 17:11 2022-09-20 16:54 2022-09-20 16:38 2022-09-20 16:09 2022-09-20 15:53 2022-09-20 15:38 2022-09-20 15:04 2022-09-20 14:51 2022-09-20 14:45 2022-09-20 14:38 2022-09-20 14:27հետևեք մեզ սոց. ցանցերում
Facebook
Telegram
YouTube - հեռուստաալիք