կարևոր
1459 դիտում, 1 տարի առաջ - 2021-01-12 18:29

Արագածոտնի մարզում բախվել են Mercedes-ն ու «Երազը»․ վերջինս կողաշրջվել է․ կա 1 զոհ, 1 վիրավոր

Արագածոտնի մարզում բախվել են Mercedes-ն ու «Երազը»․ վերջինս կողաշրջվել է․ կա 1 զոհ, 1 վիրավոր

Այսօր, հունվարի 12-ին, խոշոր ու ողբերգական ավտովթար է տեղի ունեցել Արագածոտնի մարզում։ Ժամը 15։50-ի սահմաններում Երևան-Գյումրի ավտոճանապարհի 21 կմ հատվածում բախվել են Mercedes և «Երազ» մակնիշի ավտոմեքենաները։

Shamshyan.com-ի հաղորդմամբ՝ բախման հետևանքով «Երազը» կողաշրջվել է, վարորդն էլ տեղում մահացել է։

Ոստիկանությունն ու քննչական բաժինը պարզում են վարորդների, մահացածի և վիրավորի ինքնությունը։

Քննիչի հանձնարարականով՝ ավտոմեքենաները տեղափոխվում են Ոստիկանության Աշտարակի բաժնի պահպանվող հատուկ տարածք։

Դեպքի վայրում հավաքվածներն ասում էին, որ Mercedes-ի վարորդը վթարից հետո ահազանգել է Շտապօգնություն, փորձել է օգնություն ցուցաբերել «Երազի» վարորդին։ Դեպքի վայր ժամանած բժիշկներն արձանագրել են «Երազի» վարորդի մահը, որից հետո Mercedes-ի վարորդը ահազանգել է Ոստիկանություն։