կարևոր
525 դիտում, 5 ամիս առաջ - 2021-01-12 13:29

Լենա Նազարյանը միացել է ԱԺ Մարդու իրավունքների պաշտպանության եւ հանրային հարցերի մշտական հանձնաժողովին

Լենա Նազարյանը միացել է ԱԺ Մարդու իրավունքների պաշտպանության եւ հանրային հարցերի մշտական հանձնաժողովին

ԱԺ փոխխոսնակ Իմ քայլը խմբակցության պատգամավոր Լենա Նազարյանը տեղեկացնում է, որ միացել է ՀՀ ԱԺ Մարդու իրավունքների պաշտպանության եւ հանրային հարցերի մշտական հանձնաժողովին։

«Մարդու իրավունքների ոլորտում առաջնահերթությունները շատ են։ Այսօր մեզ համար առավել քան կարեւոր է ռազմագերիների, պատանդների և այլ պահվող անձանց, ինչպես նաև մահացածների մարմինների փոխանակման հարցերը, անհայտ կորածների ճակատագրի պարզումը»,- գրում է Նազարյանը։

Նշենք, որ պատգամավոր Թագուհի Թովմասյանին ԱԺ ղեկավարությունը տարեվերջին տեղափոխել էր Եվրաինտեգրման մշտական հանձնաժողովի կազմ։ Մինչ այդ Թովմասյանն անդամակցում էր մարդու իրավունքների պաշտպանության հանձնաժողովին: Թովմասյանի տեղը  հանձնաժողովում համալրել է Լենա Նազարյանը

Հավելենք, որ 2020թ.-ի դեկտեմբերի 29-ին Ազգային ժողովը փակ-գաղտնի քվեարկությամբ կողմ է քվեարկել «Բարգավաճ Հայաստան» խմբակցության պատգամավոր Նաիրա Զոհրաբյանին ԱԺ Մարդու իրավունքների և հանրային հարցերի մշտական հանձնաժողովի նախագահի պաշտոնից: Զոհրաբյանի լիազորությունների դադարեցման օգտին կողմ է քվեարկել 78, դեմ` 4 պատգամավոր: