կարևոր
1407 դիտում, 1 տարի առաջ - 2021-01-12 09:30

Եկատերինբուրգում բնակելի տանը բռնկված հրդեհի հետևանքով 8 մարդ է մահացել

Եկատերինբուրգում բնակելի տանը բռնկված հրդեհի հետևանքով 8 մարդ է մահացել

Ռուսաստանի Եկատերինբուրգ քաղաքի բնակելի տներից մեկում հրդեհ է բռնկվել, որի հետևանքով, ըստ նախնական տեղեկությունների, 8 մարդ է մահացել: Այս մասին գրում է ՏԱՍՍ-ը։

«Ըստ առկա նախնական տեղեկությունների ՝ հրդեհի հետեւանքով զոհվել է 8 մարդ, այդ թվում՝ երեխա», - ասված է հաղորդագրության մեջ:

Ինչպես հավելել է ոստիկանության մարզային վարչության մամուլի ծառայության ղեկավար Վալերի Գորելիխը, դեպքի վայրից հոսպիտալացվել է 17-ամյա դեռահաս՝ 1-ին եւ 2-րդ աստիճանի այրվածքներով: Նաեւ դեռահասի մոտ շմոլ գազից թունավորում է գրանցվել:

Հաղորվում է, որ փրկարարները բնակելի շենքից 90 մարդու են տարհանել, որոնց թվում՝ 9 երեխա:

Շենքից տարհանված բնակիչները պատմել են, որ հանկարծակի արթնացել են ուժեղ ծխից, իսկ հրդեհը բռնկվել է երկրորդ հարկում գտնվող ու շուրջ 30 քառ. մետր մակերեսով բնակարանում:

Հրդեհի հնարավոր պատճառների մասին տեղեկատվություն դեռ չի հաղորդվում: